長洲角酪

营业中

休息中

莓莓角酪🍓 $42呢杯最多人嗌，粉紅色Pink Pink好岩用嚟打卡！😆 士多啤梨味唔算好重，不過真材實料，飲落乳酪都幾濃厚同Creamy😋，士多啤梨味唔會好假，係真係新鮮既士多啤梨乳酪嚟，食到啖啖士多啤梨果肉，入面仲加左啲紫米，飲落好有層次，如果對女仔嚟講都算飽肚，行行下覺得又熱又有啲肚餓飲番杯都係唔錯既選擇👍🏻甘露角酪 $48呢杯係楊枝甘露版既乳酩，覺得幾特別所以就嗌左！芒果味唔算好重，不過芒果都算新鮮同算甜，乳酪都係濃厚 Creamy😋，中間有啲綠袖肉，味道都唔錯，個人認為呢杯味道好飲過莓莓角酪

山長水遠入到長洲，當然要試下啦～下午3點幾，門口排左10幾人，角酪卷一早已經賣晒，排到埋去岩岩無埋莓莓角酪🥲唯有轉飲甘露角酪，落完單等左十幾二十分鐘先有得拎，裡面有芒果同柚子，味道非常夾同消暑，可惜芒果切得太大粒，用粗飲管都吸唔到，最後唯有打開蓋食

係長洲好中意周圍行唔同小店 行過見到間好靚既舖頭 以藍白為主既裝修💙🤍於是就被吸引入去(｡･ω･｡)ﾉ見好多人推薦酸奶 個陣又有少少餓 所以就叫左一杯試下！ ⭕️甘露角酪($42) 入面係有西柚同芒果果肉既乳酪 唔會太酸或者太甜 飲完一啖就飲唔停口🤤最後飲曬有少少飽腹感 好滿足( ´▽｀) 雖然價錢唔算平 但覺得質素唔差 仲有幅靚靚既打卡牆🚇 入到長洲既話 行到攰又想搵地方坐下飲下野 可以考慮下呢間！

相信呢幅應該係最多人打卡嘅「地鐵牆」，呢間長洲角酪應該好多人都唔陌生，最熟悉嘅應該就係佢嘅仿地鐵磚牆🤣，睇咗咁多人去打卡，今次終於到自己親身去啦😆一場嚟到，梗係揀杯打卡最靚嘅嘢飲啦，我嗌咗呢杯甘露角酪，貪佢有塊小小嘅楓葉🍁，用嚟影相打卡一流！甘露角酪顧名思義就係楊枝甘露加佢嘅招牌乳酪，第一啖飲落去就食到好明顯嘅西柚同芒果肉，唔知係咪西柚同芒果都唔係好當造，唔算好甜，味道偏酸，而西柚亦有啲啲澀味🤨，不過佢個乳酪都算偏甜少少，夾埋一齊飲即刻中和返，令成杯野飲無咁失色🙌🏻總括黎講，佢個乳酪係幾唔錯幾好飲，不過唔知係我期望太高，抑或係我揀咗啲唔當造嘅水果，令到整體杯嘢飲都還好，最好味嘅就係個乳酪🤣 再加上$42一杯嘢飲嚟講都算偏貴，份量唔係特別大杯，性價比唔算高，個人而言，嚟過一次打咗卡就算了🙈

😋《長洲角酪》I▪️🅘🅝🅣🅡🅞長洲地鐵站🚉開通左（誤），搭地鐵🚇黎左長洲喇‼️點了杯「甘露角酪」，顧名思義：楊枝甘露材料配上乳酪‼️唔知係咪我太耐冇食過西柚，覺得有啲偏苦同偏酸，芒果係好好味的😂早知就點「芒芒角酪」🤭喇‼️乳酪就酸味適中，超級鍾意❤️整體不錯👍🏻，只是選錯了生果味道🤭🤭期待下次再試其他味道😆I▪️🅐🅓🅓🅡🅔🅢🅢📌 長洲 📍 新興街78號地舖舖

角酪有個好多人都影黎到此一遊既background🤣🤣🤣 今次我就無影啦叫左杯 柚露疏打，招牌野黎 幾清新🤣柚子味都幾濃本身想叫角酪飲 但係準備去食飯就下次先啦😈

行完山口渴就決定買嘢飲。得知長洲近來開咗間出名嘅酸奶飲品店，我同酸奶熱愛者嘅大同就決定試試。平時芝芝芒芒係指芝士奶蓋加芒果沙冰，芝士奶蓋加芒果沙冰。呢間嘅芒芒角酪竟然係酸奶再加芒果，真係冇諗過酸奶都有咁多花臣。酸奶飲落去好滑，味道唔會話太濃，即使唔係酸奶熱愛者嘅我都接受到。酸奶配芒芒好特別，飲落出地夾，飲落去有淡淡的芒果味，感覺fresh d。最特別嘅係有少少紫糯米，黏黏韌韌增加口感。好似飲得到嘅芒果糯米飯。友人就叫咗期間限定嘅甘露角酪，係芒果同西柚，評價都唔錯。溫馨提示：飲完酸奶超飽，結果掃唔到街。