帝樂 - 德國餐廳 (已結業)

本身滿心歡喜諗住去尖咀美麗華個間,點知被包了 幸好尖咀仲有尼間,同埋我地時間太晏, 美麗華只去到三半,尼邊4點 最初初唔知有自助餐,諗住叫成隻豬手食,但佢既然有自助餐,當然就梗係有埋其他野食開心D豬手, 脆脆的 感覺上同另一間相比好DD西冷, 好好軟身,唔韌 , 唔會過熟 個闊條面有少少辣, 開胃薯條普通,微暖甜品相對地差左少少, 可能始終係自助餐尾聲,甜品剩既數量不多, 亦比較乾身少少。最欣賞係個杯仔既朱古力慕絲 我個人食左4個 食物尼間數量選擇少左DD , 酒吧為主 , 另一間就以德式食物為主, 各有各好 相信好快會返黎幫襯

尋晚終於同幾位好朋友去咗呢度食野呀因為朋友有中銀咭, 我地共有五個人, 所以叫咗個半價 4 人餐先來了一盤農夫包, 個 dip 都幾香四個 mushroom soup, 好香濃好好味,三個頭盤, 驚喜唔大之後我地又坐下吹下水, 都唔見有 main course 上, 就要催下佢之後就上咗魚扒, 牛扒, 天使麵同埋豬手, 魚同牛都一般, 但個天使麵真係好驚喜, 來起時見佢好乾咁, 都冇乜期望, 但估唔到入口之後係勁好味, 好濃郁, 豬手都好食, 好香唔太咸最後有甜品有生果食仲有時有 live band 伴奏, 氣氛好好, 一定會再同朋友去食, 下次要食佢個德國腸盤架

母親節時離港去，一回來立即補祝母親節，阿媽鍾意吃豬手，之前來過一兩次，覺得質素不錯，於是一行七人到此餐廳吃，及補祝母親節。訂了位，一到達立即入去，食物已準備好，一坐下立即出去取食物，一定要試他們的芝士多士，即做和香脆，芝士味濃，不知不覺吃了數塊。當然，豬手亦是此餐廳必吃的菜式，豬手新鮮熱辣，外皮香脆，真是未吃，看也覺得正，一口咬下，質素依然好，外皮好脆，肉又滑，我和阿媽連吃數件後都給滯了，其他人見狀，當然都「留有一口」。自問食量沒那麼差，休息一會再吃其他食物，甜品，他們的甜品款式不多，但味道不錯。最後真係飽到暈，結果沒有吃晚餐。埋單約$800，幾抵!!!