皇帝雞 (已結業)

買左一份$48 甜辣醬炸雞。--------------------等左十五分鐘先有得拎，份量係真係好多，但原來係雞粒，唔係雞件，啲醬仲要多到浸湯咁，可能想掩飾舊雞唔脆。雖然見到佢啲雞係即炸但個皮都唔係脆，係炸漿既問題，食落似就咁走油，而唔係有層炸皮係面。食左幾粒覺得好漏，唔脆又太多醬，見到有其他食評真係形容得好適合，完全係咕嚕雞黎，仲有半盒未食就丟左🥲-------------------下次都係去番TST韓國街 既餐廳食好過

天氣好熱，懶得出街就叫左外賣，第一次叫呢間炸雞嚟食，開頭都會諗叫外賣會唔會林晒唔好食，不過佢地半個鐘內送到嚟，d雞都仲幾脆同熱，係去晒骨，食起上嚟啖啖肉好juicy，唔會好勁嘅炸粉，食到脆脆哋邊，而且d雞size唔會話好大舊岩岩好，甜辣雞真心唔錯，甜甜哋唔會太辣🤗我叫左中size，可惜跟set年糕比較少，本身自己勁鍾意食年糕所以加左10蚊多幾舊年糕。不過一個人食其實係有多架，不過係幾正，下次會再食。

今日路過深水埗報名考車牌，完左之後覺得唔係深水埗食d野好似對唔住自己，之前收藏左尼一間皇帝雞，於是直奔那裡佢係西九龍中心8樓，真係好高⋯我叫左一份小份既甜辣炸雞，配兩件年糕睇落去小小分，但其實一個人夠食了，好彩無貪心買M size，果時真係猶豫左一陣年糕麻麻，有d硬，但炸雞唔錯，麵粉皮不算厚，雞粒係無骨，不過醬很多，所以有d鹹，我估尼一份應該卡路里唔低囉對比我之後係旺角東地鐵站果邊既炸雞粒，尼一間皇帝雞很很多，雖然稍微貴一些，果然有對比就有好壞，有d話你一間好好食，但係如果你只食過尼一間既炸雞而無對比其他間炸雞，咁你係領悟不到點解人地話尼一間好味and係咁推介尼一間既

皇帝雞 深水埗美食團第二站便黎到 西九龍food court的皇帝雞 皇帝雞賣的是韓式炸雞 賣點更是無皮無骨 岩曬啲怕肥又怕啃骨無曬儀態既lady們 店鋪更加係由韓國人主理 包你食到最無花無假既韓式口味 皇帝雞有三款不同味道既炸雞可以選擇 包括韓辣味，醬油味 同 甜辣味 亦有三個size可以選擇 由於仲要留肚 所以小妹同朋友決定黎一個中既甜辣炸雞炸雞是即叫即制 所以絕對是熱辣辣 等了五分鐘便可以拎了 一見到就被size所嚇親 份量非常多，炸雞多到滿瀉 已且仲附送了三條年糕 賣相亦非常吸引 醬汁味道適中 不會太甜也不會太辣 甜中帶辣既開胃又惹味 粉漿又不會太厚， 每塊炸雞都沾滿了醬汁 食落啖啖肉，好味 年糕亦好煙韌 唯一略嫌雞不是炸得不夠鬆脆，有點太硬 不過這樣的價錢非常抵食

有小小時間黎深水埗食lunch, 咁啱皇帝雞開左門, 即刻嗌番碗試下食過嘅朋友都知要食到有幾難架啦😂炸雞算係大粒, 不過都可以一口一粒, 而醬汁都幾濃幾入味, 多到cover左炸雞嘅熱氣感另外有三條年糕同芝麻做topping, 食落唔會太單調一個人食啱啱好飽肚, 偶然食下都唔錯