雞吧

营业中

休息中

行過石門見到開左間外賣炸雞店，最平$56就食到5件炸雞，之後見二人餐仲抵食，即刻買番屋企試🤣。-💕 二人餐 $159自選兩款10件炸雞｜雞肉沙律/卡巴｜小食x1｜飲品x2👅好味指數：7/10炸雞：甜辣+韓式GG(蜜糖芥末) 🍗甜辣有3件雞件3隻雞翼，無骨雞件啖啖肉多肉汁，甜辣味香濃☺️夠甜夠辣好惹味👍🏻。蜜糖芥末係沾醬的，甜甜地既蜜糖味，有4件雞件1件雞翼，炸得好脆口又唔油。雞肉卡巴：超足料☺️雞肉彈牙煎得香，卷餅皮煙韌，加埋沙律菜口感好豐富好飽肚。小食：流心芋泥丸拼地瓜球好特別！番去即刻叮番熱，真-流心奶黃芋泥丸🤣奶黃味好濃郁再加芋泥估唔到都幾夾又唔會太甜☺️地瓜球口感軟糯，入面都有芋泥，微甜唔膩。-服務：8/10整體味道：7/10回頭率：7/10

今日嚟到石門嘅雞吧，見到出面貼嘅餐牌即刻想試吓呢度嘅炸雞，我哋叫咗兩份大嘅半半炸雞，揀咗四種唔同嘅口味，有蜂蜜牛油、柚蜜檸檬、黃金芝士同埋甜辣炸雞，落完單之後見店員都好細心咁提醒我哋要等15至20分鐘，所以喺附近兜個圈先再返嚟拎外賣都得蜂蜜牛油炸雞-牛油味加埋蜜糖，甜甜哋仲有牛油嘅香味 甜辣炸雞-雖然有少少辣，不過係小朋友都食到嘅辣味嚟呢～仲有柚蜜炸雞-配搭柚子蜜醬汁，亮滿淡淡而芝士炸雞-身為芝士控，緊係要叫埋芝士炸雞啦，芝士醬夠曬邪惡，係最佳配搭～因為即叫即炸嘅關係，拎到返去都仲熱辣辣好好味呀，真係會食唔停手，下次開party 可以再叫其他口味同小食款試吓呀

今日去石門呢邊工廠區見工，朋友同我講京瑞呢邊有好多野食！哥哥仔睇吃播太多，話想食炸雞🍗咁啱係OpenRice 見到就俾佢揀定先🤣🤣🤣食物甜辣炸雞原本想叫熔岩芝士炸雞，但姐姐話呢個堅辣！佢食得辣都覺得好辣🤪冇幾多客嗌呢個…佢哋就介紹我試呢個，冇咁辣，但好惹味！真心好介紹❤️❤️❤️勁好食！甜甜地又唔係好辣❤️哥哥仔勁鐘意估唔到弟弟都食到🤣雪山芝士炸雞哥哥認真識揀🤣🤣🤣呢個真係好似雪山，勁香芝士，因為外賣關係，我焗熱返少少，啲芝士溶一溶勁香🥰雞肉卡巴真係勁大碌放落去有20cm長架！點解會嗌呢個呢？🤣🤣🤣事緣係上次係第二間食過好食，見到呢到有，我想再食呢個勁足料！勁好食😋好清新~~我老公分開一半話要食😂驚我飽得濟又分得幾靚❤️🤣炸魷魚鬚呢個係老公嗌嘅，佢話好耐都冇食過…我覺得係好有以前嘅風味🤣啲魷魚🦑依舊𡁻到牙鉸攰🤣🤣🤣其他可以收以下嘅payment，勁方便⭕️💪🏻Menu 更新左，我以為仲有得淨係加小食一個價錢🥲最後我冇加，因為佢哋嘅飲品係汽水，同埋姐姐話加錢嘅份量比較少，好似我咁拎返去share就叫regular抵啲❤️係等嘅時候見到馬鐵線自取免運費，我就搞笑咁問🤣🤣🤣依家屯馬綫係咪成條都到🤣🤣🤣佢哋

同朋友外賣平台落單，嗌呢間的炸雞～woo......估唔到佢ge 炸雞好好食！！😋😋炸粉，味道，同入面的雞肉都好juicy...好好味👍🏻.蜂蜜牛油炸雞好味道：⭐️⭐️⭐️⭐️.甜辣牛油炸雞好味道：⭐️⭐️⭐️⭐️.芝士牛油炸雞好味道：⭐️⭐️⭐️個人鍾意食有醬的。。好像食落外面與裡面juicy 好夾～ 😝😀（* 維他有汽檸檬茶是私伙的🙈）.蛋餅。。。可以揀配肉鬆/芝士最後揀左配肉鬆😋好味道：⭐️⭐️⭐️ (覺得有d 干）但味道唔差的～.雙色流心芋泥拼地瓜球好味道：⭐️⭐️⭐️⭐️ ( 呢個好足料～ 由其芋泥果個，真係成粒芋泥，跟平時出面食的不同）😲😲都推介一試.見4 人餐只可揀一款炸雞，於是最後轉散叫買，試多幾款味～.另外都叫左雞肉卡巴， 大蝦牛油果卡巴🦐🥑🌯類似墨西哥卷～ 好大條。。份量好多😲🙈