南大門

营业中

休息中

屋企人預訂左兩圍團年飯, 菜單大多數係海鮮。如果以平時酒樓晚餐質素比較, 呢度高出好多倍。雖然消費係比較高, 但係全部海鮮係食得出好新鮮。阿拉斯加蟹係好大隻, 就算12個人都夠食。西蘭花炒斑球既西蘭花真係唔夠入味, 感覺上似水灼, 個人感覺碟蠔油太重味蓋過哂魚肉味。生炒糯米飯係真係好唔同, 平時出去食既糯米飯幾乎間間都伏, 結埋一舊, 呢間既糯米飯係的確炒得好既, 可惜量真係少...十二個人都唔夠平均分黎食。另外有部分相係食左少少先影。甜品仲有黃金南瓜露, 不過冇影到。中式海鮮餐黎講, 呢間係唔錯, 值得一試。