上海廳1930 (已結業)

天氣無啦啦凍返，所以中午突然間好想食酸辣湯麵！黃大仙區食酸辣湯麵我通常都會嚟上海廳，因為佢中午嘅拉麵套餐都幾抵食，$64就有一大碗拉麵加埋小食！咁我同同事兩個都叫咗酸辣湯麵，小食就要咗小籠包同埋生煎包！酸辣湯麵好快就送到，以小籠包同生煎包因為要即叫即整，所以都要等一陣！酸辣湯麵佢一向有水準嘅，而且超級大碗識落好飽！小籠包係即蒸嘅，皮好薄而且入面多汁，熱辣辣咁好好味！生煎包都係即叫即煎，所以都係熱辣辣嘅，而且個底煎到脆卜卜咁，好好味！

母親節前1天同家人嚟呢到食飯，呢到平時都多人，但排隊時間出奇地快，大約15分鐘就有位，位置分別有店內及店外，我哋被安排坐喺店外扶手電梯旁邊。人少少三個人都叫咗唔少嘢食。必食上海小籠包內裡肉汁好香美味、沙鍋雲吞雞有成半隻雞份量，雲吞大隻、青瓜海蜇好夾脆開胃、生煎包吸收晒內裡肉汁好好味、上海粗炒味道正宗好正、擔擔麵湯好濃郁，麵煮得軟硬適中、金絲蝦燒賣內裡係糯米做涵好飽肚、蔥油開楊拌麵唔太油膩、冷盤四小拼(包括：水晶肴肉、五香燻魚、三喜烤夫、江南小排骨)，