樂天皇朝 (青衣城1)

营业中

休息中

今晚同爸爸黎青衣城食晚餐，我哋都好鍾意黎呢間食點心，今晚雖然是平日，但食客人數都不少。入座後，慢慢嘆下茶同食下醃花生、栗子。醃得好好味，好腍身。唔錯唔錯。我哋都係點左一堆點心同埋一個主食。個揚州炒飯好大碟好飽肚。個飯炒得好香好好味，熱辣辣好正。揚州炒飯內有蛋絲、叉燒粒、蔥花、蝦仁，好香口好惹味。唔錯。點心來講當然唔少得小籠包。呢間有好多種唔同口味選擇，我同爸爸最愛吃經典原味款。小籠包皮薄多汁，熱辣辣既湯汁好juicy好好味，唔錯唔錯。而且中間既豬肉餡都大大粒好好咬口。唔錯。另一款點心點了生煎包，生煎包外皮軟綿綿的，底部煎得香香脆脆，口感一流，正。中間既豬肉餡都好足料，而且入面亦有熱辣辣既湯汁，又熱又滋味好吸引。蘿蔔絲酥餅好酥脆好好味，一絲又一絲既外皮好靚好好口感，一層又一層的，外皮好鬆脆，中間超多蘿蔔絲，而且超熱，好好味，蘿蔔又做得好綿好腍身又入口，正。呢間餐廳又好坐，食物質素又好，難怪咁多食客幫襯👏🏽

細佬考車1take pass老豆話請食飯原本諗住出旺角荃灣食，一諗到冇book位，又星期日就留返係青衣城食！一等就半個鐘…食物彩色小籠包 - 必食！我2個仔都勁鐘意食，佢每款仲可以叫6粒/10粒，我哋叫左原味同蟹粉小籠包2個小朋友鐘意原味！蟹粉就濃味岩大人食佢真係皮薄同有湯係入面！再加上佢個醋真係好食😋不過我都係覺得唔落醋會食到個原味炸饅頭 - 必食外脆內軟😍小朋友都1人食咗1個。呢個好快上，食住呢個頂住先擔擔麵 - 必食呢個真心辣嘅，不過呀爸呀媽就話唔辣不過佢真心好食，指標係:哥哥仔都食咗2碗，當然只係俾少少湯，其他湯就係用另外一碗扣肉拉麵清湯超級香嘅花生味我哋encore 多一碗生煎包呢個煎到個底好脆！同埋包入面仲有肉汁鎖住😍哥哥弟弟各食1個超好食！餐牌服務等左大半個鐘先入到去，入到去原本坐卡位…然後知客姐姐見我哋有2個小朋友，又咁啱有張圓枱走，就即刻問我哋轉唔轉枱？因為黎緊有大枱客都係大人，咁我哋就轉圓枱方便照顧！仲有擺定bb櫈俾我哋弟弟有得自己坐，食嘢都大個仔咁款環境地方都好大，雖然人多，個行人走廊都好闊落！仲有大玻璃睇到師傅整野，地方光猛又乾淨。另外等位期間都有櫈坐下…或者一

在諾亞方舟完之後去左樂天皇朝。用餐，阿妹想試一試呢度的竹炭流沙包。而我就鐘情於不同餐廳中式的擔擔麵。樂天皇朝一直都是高檔中餐點心標準。現在疫情問題都是測量體溫，隨時檢測食物質量。|皇朝擔擔麵^蔥少左，辣味夠。|生煎包^應該多些少芝麻會更惹味道。|竹炭流沙包^別緻的竹炭。外面鬆軟，雖然咬落去裡面的流沙雖然不夠流，但味道相對於奶黃包黎講都係ok。另外應該蔥油拌麵就顯得普通，或者落麻醬會爽口啲。

一行四人去送機, 於是係青衣城食lunch, 我是第一次去這間酒家, 但大食男友🤴🏼已試過幾次, 所以今次就選擇呢間😆；黎呢間以小龍包作招牌菜既酒家, 當然要先講小龍包, 因為席上有人要戒口,所以我地只叫了原味(其他仲有7仲味選擇), 皮夠薄, 湯都算夠, 但肉味不足, 但整體味道同皮薄已夠贏; 其他食物味道水準中上, 但勝在熱盤夠熱上菜快, 除左小龍包, 涼拌黑木耳都係值得食, 酸辣適中, 一食停唔到口；至於三色瑪瑙蛋, 個名改得好吸引一咬底層既咸蛋就散, 三種蛋味都欠奉; 另外雪菜肉絲拉麵, 份量取勝, 麵身夠Q, 但唔睇菜名係唔知原來係雪菜肉絲麵, 因為雪菜同肉絲都極少；五香牛肉味道可以,但‘五香’既香味就好低調😅