小食快綫

营业中

休息中

生菜魚肉，質感比預期中正常，結實有彈性不滑潺潺，食得到鯪魚味道，生菜不澀帶爽，清湯夠濃加大量胡椒粉暖胃舒服。碗仔翅，多多醋多多胡椒粉少少麻油，大量冬菇片使得菇味十足，還有蛋花及木耳點綴，湯底可口食得過。

同朋友行街、行行下好肚餓，但又未到食飯時間，先5點幾點算？ 因為係旺角東附近，即時就諗到呢間開左好多年，係港鐵站外，成日排哂長龍既港式小食店於是就去左試啦！叫左個燒賣，同生菜魚肉正常合理價！唔似旺角某d呃人小店我有次無問價 就禁話要燒賣魚蛋 佢就話$50香港人都呃香港人講番野食，燒賣好食！ 以前成日覺得鴻福堂燒賣無得輸，但佢個口感其實唔好，係豉油補救，同埋愈黎愈貴而snack express 佢個燒賣口感好正！ 彈牙！豉油無特別 但夾埋都好食！ 而生菜魚肉 就好足料！ 大大碗不過食完真係好口渴唔多唔少都有d味精啦不過好食 醫下肚 禁既價錢 差不多啦

Snack Express 有多間分店，曾到粉嶺名都，但印象較深刻的就是旺角東鐵站，雖然是連鎖店，但食物質素還是有點差別的。粉嶺名都分店，炸三寶必食，旺角分店是沒有炸物的。每次到旺角分店，我都會點生菜魚肉湯，因為味道較其他店的好，魚肉彈牙，不會霉，生菜放底份量非常多，阿姐每次都問要唔要麻油胡椒粉，我都會話要多D，因為放左呢兩款調味料，味道真係非常配合，$16，份量非常足，都有飽肚感。是日除了生菜魚肉，還點了燒賣，味道一般，還算新鮮，熱度十足，不妨一試。店內沒有座位，有一張長桌子，大概可以6-7人立食。