SENSU (已結業)

銅鑼灣應該係全世界餐廳密度最高嘅地方之一。中餐、西餐、日本菜、韓國菜、快餐…應有盡有。但評價咁一面倒的就無幾多間。Let’s check it out!小食拼盤日式脆炸豆腐、A5和牛壽、昆布沙、海膽薯仔沙、和牛芝士春、櫻花蝦、脆炸鱔、和牛牛肋條......個人非常推介呢一個小食拼盤。一個價錢，可以試曬咁多種唔同嘅小食。而且全部都係非常精緻，絕對唔係粗製濫造。國產和牛麻辣湯烏冬牛肉非常淋滑。麻辣湯底非常有料到，我本人唔係食得好辣，食到成頭汗。生薑燒西班牙豚肉定食甜甜的洋蔥味、薑的微辛，十分開胃。配合豚肉片少許的肥膩，送飯一流。

銅鑼灣呢個五感六覺入面有三間餐廳，地面有專屬入口，上到黎有個好似酒店既服務台，有專人帶你去預定既餐廳。今日一人午餐，決定叫個生薑燒西班牙豚肉定食（$108），跟沙律同湯，加左個是日甜品（+$28）。呢度出名食牛，我就決定叫埋個秘製香辣日山A5牛展（$68）。午市時段呢度奉送咖啡或茶，但只限普通咖啡，主餐牌上飲品可以半價轉配。之前上網見到呢度既Cappuccino既好評價，我就決定試埋（+$24）。落單後10分鐘我心心念念既泡沫咖啡就到了，奶泡打得好高，大概半杯都係奶泡啊！上面有原味可可粉，令香味更誘人。咖啡不算濃，偏向choco，配合甜品應該唔錯。秘製香辣日山A5牛展就係下一位登場，係冷盤，有五大塊！肉質鬆，調味帶酸，上面加有芝麻，香氣甚濃，唔係台灣既滷味一般貨色。最後生薑燒西班牙豚肉定食到喇。大喝一口面豉湯，味道帶甜，非常暖胃。沙律菜爽脆大塊，預拌香醋。主角豚肉不算太肥但依然嫩滑油潤，燒汁帶甜，配上酸酸味味生薑，好滋味。是日甜品真係打卡一流。甜品放係一個散發煙霧效果既玻璃杯上面。入面係餅乾同甜爆谷，上面係啲慕斯，底下仲有啲水果粒。呢度夜晚係間飲酒幾舒服既地方，估唔到日頭可以擺脫bar