金曼谷泰國餐廳

营业中

休息中

朋友B及朋友R帶到我到他們家附近的金曼谷泰國餐廳慶祝生日 由於我們較晚才到(約9:30), 立即有位,馬拉盞炒通菜馬拉盞味好香, 啲菜唔會太老 生蝦蝦夠鮮甜, 如果份量多啲就更好泰式拼盤香葉雞既肉質唔滑, 無乜雞味雞翼係普通炸雞翼, 香茅味唔突出春卷同串燒就唔錯炒金邊粉夠鑊氣, 但好油, 茄汁味重左D, 其實唔係難食, 不過唔係我預期既味道 青咖喱雞唔辣, 佢地既青咖喱奶味會重DD,要注意一下,我個人唔反感, D雞肉幾滑,配埋熱辣辣既又夠重蒜蓉味既蒜蓉包, 一個字:正!食完仲有好多咖喱汁剩, 本身想加白飯, 但要留肚食芒果糯米飯三色芒果糯米飯朋B友勁鍾意食芒果糯米飯, 當然要點一個來吃!三色係有白糯米,黑糯米同加左班蘭汁既糯米飯,班蘭汁好香好濃,好味~成個糯米飯都好甜, 唔鐘意甜野既人要注意~(咁岩當日芒果夠甜, 加分!)總括而言, 雖然佢未至於話一定要再返黎encore, 但其實食物既質素係幾好味, 至少夠鑊氣同埋即炒即上,假如我去開附近而又想食泰國菜我都會再黎

想食泰國菜但又唔想去到九龍城甘遠，近近地黎左田心，好在早黎唔算多人，我地走時好多人等緊位。生蝦：蝦肉彈牙，醬汁辣多d會更野味。牛肉生菜包：牛肉好多根，調味太淡，我地額外加多左甜酸汁。蒜蓉包：鬆軟味濃。炸雞翼：皮脆肉滑，雞肉入味，好正！烤豬頸肉：肉嫩爽口，野味香口。菠蘿炒飯：炒得香噴噴，菠蘿味清爽。咖哩大頭蝦：咖哩汁奶左d，蝦質素一般，唔抵食。明爐烏頭魚：湯汁好淡，魚肉腥腥地，好似唔太新鮮。送既甜品清甜爽口，幾好食。食店好多人，坐得好逼，食完要快快走人。

話說之前某個下雨天，我地走左去田心0個面試呢間金曼谷。六點幾就去到，仲未有人，有露天又有室內，唔洗講我地都係露天架啦﹗現場都有幾把風扇，係咁易吹下啦﹗等你唔洗太熱﹗食泰國野一定要食的生蝦﹗排得靚靚的﹗蝦身都幾飽滿，亦爽口彈牙，不過欠左0的蝦既鮮味﹗上次筲箕灣食的好0的﹗魷魚怪必叫的烤魷魚串﹗呢個烤得十分好味，不乾身，入口一陣炭香味，配埋佢提供既汁，酸酸甜甜正﹗泰式生菜包，呢個送睇網上食評好評如潮的呢﹗夠哂大碟，肉炒得很香，鹹鹹的包在生菜內既清新又有口感，好味﹗要讚的是佢唔似出面食的得0個三兩塊生菜咁小家就算，計計埋埋成十幾塊大生菜有多，餡料又夾極都夾唔哂﹗剩食呢個送都可以食飽呀﹗工友最有興趣要試的一味送，芭蕉葉香茅焗銀鱈魚呢個銀鱈魚鹹得要命，入口香茅、蒜蓉等充斥著味蕾，完全蓋哂魚既味道，連我都食得落可想而知﹗找不到芭蕉的香氣，亦吃不到魚的鮮味，工友劣評﹗最後點多個泰式粉絲沙律又鹹又酸，簡直攞你命三千﹗唔係講少，有膽你就試，呢張相係食剩的.....埋單有甜品送，沒有味道的椰汁糕.......連幾支六蚊啤酒，呢餐成三舊水埋單，問我好不好食我只能說十分之一般﹗食泰國野都係返九龍城好0的﹗仲有