意蠔屋 (城市中心)

营业中

休息中

經開北角行街，搜尋左哩間餐廳食物賣相唔錯，價錢又親民，就同朋友去食。店內以橙色為主。朱古力7up羅宋湯，酸酸辣辣好開胃，用料十足，食到有牛肉。忌廉湯，朋友飲。生蠔，新鮮鮮甜，開蠔技術亦唔錯，冇碎蠔殼。瑞士雞翼，煮得好入味，帶微甜，雞肉都幾滑，size都幾大隻。芝士焗珍珠蠔意粉，上菜時非常熱，小心燙手，焗到金黃色好靚，起碼至少有4隻蠔，仲好大粒，仲有放左菇做配菜，芝士味濃郁。鮮蕃茄牛柳天使麵，麵身比意粉幼身d，更容易索到醬汁，食落會更好味，牛柳好腍冇乜筋。

身為男朋友，梗係要隨傳隨到，管接送啦！今日A姐要去到北角OT做嘢，一於等我帶接佢收工啦！嚟到北角，原來選擇真係好多！不過，A姐搞到成9點先走得，好彩意蠔屋仲未關門，一於食番幾隻生蠔補補身，再滿足吓呢位A小姐先！呢度嘅套餐，$98就有湯、生蠔2隻、主菜同餐飲！抵呀！最感動係A姐從來無介意我帶佢食大排檔呀、快餐店呀，貴又好平又好，佢都會陪伴我左近！生蠔：雖然只係2隻生蠔，但餐廳都配有冰底以確保生蠔嘅新鮮！而生蠔估唔到都唔馬虎，除咗大大隻，仲幾鮮甜，真係睇得又食得！芝士焗海鮮千層麵：好多芝士呀！好Creamy！配料都有魚柳，蟹柳，帶子同蝦。不過今日呢個千層麵就乾咗少少，好彩夠多白汁，補番數！白酒忌廉汁煙三文魚波菜意粉：A姐鍾意食白汁，所以兩份主菜都係以白汁為主，呢個白酒忌廉汁同樣夠哂creamy，最重要係個汁比例啱啱好，唔會話太多或太少！煙三文魚份量估唔到咁多，呢個意粉相當唔錯。整體嚟講，呢間餐廳都幾抵食，以一分錢一分貨嚟講，性價比超班！去開北角嘅不妨一試！

今天下班後，媽媽不想做飯，打算在附近簡單的吃個便飯。這家餐廳雖然一直都知道有它的存在，但是一直都沒有進去的衝動…直到今天。味道比想象中好很耶！我們兩個人點了一份〖一個人的浪漫蠔餐($98) 〗，然後再叫了些散點。一人餐包括餐湯、兩隻生蠔和一個主食。餐湯方面，我們選了忌廉湯。這裡的忌廉湯呈金黃色，但喝起來，蠻香且滑哦。這兩隻生蠔可說是今晚的亮點呢。生蠔味道鮮而甜，而且吃起來還會有淡淡的海水味，一人一隻真的有點「不夠喉」呢。最後主食點的是芝士焗海鮮千層麵。裡面材料超級豐富，完全沒有因貨就價，裡面的材料比千層麵還有多…當中包括元貝、蟹柳、魚柳等等。芝士也是分量超多，每一口都是滿滿的芝味啊。作為健康的時尚女性(哈哈)，散點了兩款菜式，分別是蟹籽田園沙拉($38)和芝士焗生蠔($52)。蟹籽田園沙拉，沙律菜很新鮮，咬起來爽脆爽脆的，配上一大坨的蟹籽，整個頓時超fresh呢！因為覺得這裡的生蠔和芝士都相當不錯，因此點了這個combination。生蠔依舊新鮮，配上濃鬱的芝士，相得益彰。