Nathanhouse (已結業)

偶然揀一間有情調既餐廳食飯，都是不錯的拍拖活動😬而咁啱佢個tasting menu做緊買一送一（$798/人），就試一試。呢間餐廳位於山林道，位置屬於街既後方，所以感覺比較寧靜。一入到餐廳，燈光昏暗，而每個枱面放上小型燈座，氣氛不錯。至於座位被安排係一邊，本身感覺可以自成一角，但奈何與鄰座比較近，扣咗少少分。Tasting menu有6款食物，分別每人一隻生蠔、牛油果雪糕配帶子、菇湯、海膽意粉、主菜我地揀A4和牛同sea bass各一，最後係甜品。食材質素整體不算差，但亦不會有wow的感覺。雖然買一送一，但平均每人要$4xx，CP值不算高。

今次襯太太生日，見到新假期推薦，又知呢間係2月先新開，黎試下。黎到見到人都比較少，唔洗訂都有好多位，花花牆都好靚。一開始有免費麵包，有心整番暖同脆，感覺似係自己整既麵包，幾好食。叫哂三款生蠔，法國水中花$58隻、Gillardeau$78隻、Lambert$78隻，每款叫左兩隻，新鮮好味。日本鱈場蟹腳 蟹腳係煮過既，底層有兩款生果，幾好食$198西班牙海鮮飯 主要見到有蝦、青口、蜆，醬汁同口感都幾好。$388服務非常友善積極，抵讚。

初六中餐實無位見這間餐廳新開就試一試，可能新開無咩人初時都擔心中伏。點知食物有驚喜招呼好好。餐廳價錢不算親民，但好味過上次同老公慶生去金鐘萬x酒店多多聲。起碼比左錢食到有水準食物