咖吔

营业中

休息中

今日同屋企人去坑口東港城食馬來西亞菜，好彩早小小食，坐低冇耐就好多人等位。我哋4個人叫左幾樣野食。#無骨海南雞半隻（加購油飯）海南雞啖啖肉，而且肥膏唔算好多，口感出色，加埋小小醬油，送飯一流。特別一讚係油飯，香乾身，呢個好好食！#白胡椒肉骨茶可能我印象中同預計中肉骨茶係藥材味重啲，呢個肉骨茶白胡椒味好重，唔係好肉骨茶嘅感覺，不過料都幾足。#地道老鼠粉老鼠粉唔算好乾身，不過味道就好足，而且撈埋蛋同其他配料，每一啖都好滿足，如果乾身返啲會更好食。#參峇醬燒豬頸肉出色必食！雖然比較後先上菜，不過因為係即叫即燒，所以上枱個陣熱辣辣加上火喉十足，就咁食已經好正，再配埋醬汁，減低埋個油膩口感，一流！#斑蘭咖央多士呢個都係必食推介，上台盡快食，多士凍左會影響口感。#黑頭膏炒芥蘭芥蘭爽口好入味，不過食到底口味會重啲。

好耐冇同男朋友一齊堂食為咗慶祝一下男朋友加人工所以就出去拍下拖啦搬屋後一路都冇食過依間諗住試吓但係食完覺得一般海南雞同平時啲餐廳差唔多不過不失甘但係個肉骨茶就好一般覺得胡椒味唔係好夠味啲肉就緊加唔洗講好似完全冇味甘不過唯一有少少好既地方係有埋豬肚個豬肚就幾好食

去咗東港城見到呢間新開既新加坡菜又想食喇沙見到唔使排隊 就入去試下坐低環境都幾乾淨枱面有個紙袋放口罩 仲有濕紙巾侍應服務態度都好好 好有禮貌坐底嗌咗個喇沙米線 白胡椒肉骨茶 蝦頭炒芥蘭烤馬來蔥餅咖喱同拉茶喇沙湯底味道啱啱好  米線唔會太淋  好味～個人覺得普通  個餅有少少硬  咖喱唔係好夠香但係個芥蘭幾好食  咬落幾嫩  冇渣晚餐冇跟到飯  肉骨茶一飲落去胡椒味好重  好飲～油炸鬼又好脆    不過d肉有一舊好硬好柴其他就幾好食拉茶好好飲～埋單$352連加一