Cocoon (已結業)

觀塘美食特別多，尤其工廈裏面更加係平靚正，今日去了豐利中心1樓的Cocoon，一點半後有85折優惠💕餐廳環境雅致，裝修有心思，掃QR code落單，午餐包沙律、咖啡或茶，有多款選擇，折扣後不用一百元。二人點了🍴唐揚炸雞慢熬雞湯烏冬$88，湯底堅正，炸雞皮脆肉嫩，烏冬爽滑，非常推薦！🍴秘製日式燒汁豚肉炒麵$98，賣相幾靚，燒汁幾好味，配豚肉十分惹味。🍸百香果檸檬梳打，跟餐+$28，酸味味，清新消暑。☕️熱朱古力，跟餐免費，味道正常。

📍 Cocoon今次去左呢間位於觀塘樓上舖既西餐廳，提供西餐同日式料理，真係中西合璧！🍔自家手打雞肉漢堡包配黑松露醬薯條Burger相當巨型🤩最特別嘅係餐廳主打嘅手打雞肉，其他餐廳好少食到～塊雞肉好厚身，煎到微微焦香，咬落有肉汁，絕對唔會乾爭爭！另外，醬料嘅味道都好唔錯，結合蜜糖同芥末醬，昇華咗成個包嘅味道👅而薯條配有蕃茄醬同黑松露醬，個人比較推介黑松露醬，味道濃郁好多！🐥慢煎果園雞配薯條成隻雞髀上枱！煎到啱啱好，雞皮食落焦脆既口感，仲有啖啖嘅油香～雞有提前醃製過，所以食落幾入味，亦加咗孜然粉同辣粉，味道更加濃郁😉最特別嘅係配咗一件菜心天婦羅，味道不俗，好少喺餐廳會食到，又真係幾特別嘅！🍹百香果檸檬梳打百香果同檸檬既味道都係酸酸甜甜，清爽得黎又清新！仲配咗一支梳打水俾你自己倒🍋檸檬茶味道正正常常，不過不失～但勝在夠大杯，幾解渴～📍 Cocoon (觀塘)觀塘開源道54號豐利中心1樓104室#觀塘 #cocoon #西餐 #fusion菜 #fusion #雞肉漢堡 #自家製 #burger #黑松露 #薯條 #黑松露薯條 #慢煎果園雞配薯條 #百香果 #梳打 #hk #hkfood

#MC帶你去觀塘.觀塘返工真係好多好嘢食，美食小店大多隱藏於工業大廈，除咗著名美食集中地嘅駱陀漆大廈之外，旁邊啲工業大廈其實都臥虎藏龍。今次揀咗其中一間特色小店，主打西餐及串燒嘅餐廳。➖➖➖➖➖➖➖➖➖➖➖➖➖➖➖➖✨ Cocoon.餐廳採用日系簡約設計，以暖色為主調，柔和色調配以木系餐桌及柔和燈光效果，營造出舒適溫暖嘅氛圍。➖➖➖➖➖➖➖➖➖➖➖➖➖➖➖➖🥢 自家手打雞肉漢堡配黑松露醬薯條 $138.漢堡包身綿密鬆軟，外皮烘到脆身；雞肉扒表面微微焦香，厚身嘅肉質令肉汁得以保留；醬料以蕃茄醬和蜜糖芥末為主，雞肉扒配以新鮮生菜、蕃茄結合蜜糖嘅甜蜜、芥末嘅辛辣，食落口感層次幾豐富！ 另外，粗直薯條炸得金黃香脆，份量十足，配有茄汁同黑松露醬，滋味滿分。➖➖➖➖➖➖➖➖➖➖➖➖➖➖➖➖🥢 串燒.✅ 燒翠玉瓜串（2串） $18.娃娃菜微微軟腍，食落脆嫩香辣，十分惹味！.✅ 鹽燒多春魚（4條） $38.沒有感到半點魚腥味。魚皮燒得十分焦香、乾身，魚春卜卜脆.✅ 燒雞胸軟骨（2串） $38.軟骨爽脆，香脆口感比一般既雞軟骨更豐富.✅ 燒五花腩 $28.有油香又唔會太油膩.✅ 燒雞肉 $18.雞肉嫩滑

今日去觀塘工業區拎嘢，咁岩見到有間cafe，門口樸素，感覺不錯，一於試試。內裏以木系為主，燈光柔和，吊燈、梳化、牆上裝飾等裝潢都很簡約，感覺好舒適。設有數張四人枱和一張長枱，座位都算唔少。有小食、主菜和飲品選擇，最驚喜是竟然有串燒，正！主菜送沙律和飲品，特別飲品就另加錢。是日沙律有雞蛋、清爽嘅青瓜和少少沙津菜，配甘香嘅胡麻醬，好fresh!主菜就要了推介的慢煎果園雞配薯菜（$148），熱辣辣上枱，仲擺得好靚，賣相好得！雞腿煎已金黃，皮脆肉嫩，仲存有肉汁，配上蒜香汁，好夾！蔬菜就有輕燒過嘅粟米，飽滿多汁，還有爽嫩的菜心和一些車厘茄，健康有益。飲品就要了杯百香果檸檬梳打（+$28），冰涼透心，酸酸咪咪，好開胃，夏日之選！難得cafe 有串燒，當然要試下。串燒選擇好元化，要了燒扇貝（$38/隻），肉厚肥大，鮮嫩彈牙，加咗大量蒜蓉，充滿蒜香，正！燒肥鱔串（$68/串）燒得香口滋味！鱔肉保持鮮嫩彈口，啖啖魚油，魚皮肥美，的確係肥鱔，喜歡！燒牛舌（$38/串）烹調入味，有點香辣，但不失牛香。燒得岩岩好，邊位焦香，肉質腍嫩，推介之選。