Isaac Toast (新城市廣場三期) (已結業)

Isaac Toast系香港開左幾年，作為韓國網紅早餐店，岩岩開個時系排曬長龍，今日經過已經無人再排隊，幾年前系韓國試過，覺得好好食，特別系個source，今次就試試香港分店嘅水準。《皇牌火腿吐司》$40麵包唔系一般嘅白方包，係帶有甜味嘅方包，有淡淡地牛油香，好鬆軟。不過雞蛋無咩蛋味，芝士同火腿味偏淡，椰菜絲仲有苦味。好彩有大量酸瓜同甜甜地嘅醬汁，救返成個吐司嘅味道。相比起韓國原店，香港分店有進步的空間，仲未還原到韓國嘅味道，同埋定價有d進取，CP值唔高。

🇭🇰Isaac Toast·呢間我超失望 我覺得韓國既Isaac Toast好食好多 傷心😭😭我個日仲專登留肚食佢架😢·皇牌火腿吐司$34香港店既去流好似比較慢 因為佢係一batch一batch咁整既 所以你miss左呢一輪就要等15-20分鐘🤭佢個多士有蜜糖味既 但係佢只係烘熱左 無真係烘到脆 所以食落差少少 同埋佢入面個蛋超級薄 無咩口感 D椰菜又係好似無咩處理咁 食落比較草青😭佢都ok既 未到唔好食 但係同韓國既水準真係有段距離 呢個價錢黎講唔係太抵食😢😢·#rbyeat#rby韓國菜#rby沙田·📍沙田沙田正街18號新城市廣場第三期3樓A311號舖

去韓國必食嘅Isaac Toast，我終於抽倒時間去食啦。由佢決定喺香港開店，到佢差唔多用咗一年開，我就一路期待可以去食啦。🤩🤩嘩，不過都真係等左好耐，喺出邊排隊等叫餐都已經等左20幾分鐘，叫完嘢食佢即叫即整，再等多20幾分鐘，食個三文治都要用咗成一小時🙈😂。我哋分別叫咗王牌火腿吐司同SBS人氣歌謠吐司，兩者嘅分別係，前者多咗粟米同埋酸瓜，後者多咗士多啤梨醬。兩份嘅味道都同韓國食嘅一樣，好好味，係幸福嘅味道☺️😍。連我朋友對食物冇要求，都話個吐司係幾好食嘅😋。見到個吐司咁厚身就知夠足料啦，但係佢因為好厚身，女仔口細細食落來講，會比較論盡。😂😅。而醬汁唔會太多，搶咗其他配料嘅味道。排咗咁耐隊，但食到咁好食嘅吐司都覺得好值得！值得推介㗎！👍🏻👍🏻👍🏻PS:之前夜晚行過，就見冇人排隊，如果各位唔mind夜晚食吐司當晚餐，大家可以夜晚去試食就唔使等咁耐啦！😉