餃子屋

营业中

休息中

荃灣呢間餃子屋無論咩時候去都係咁多人排隊，就係因為呢到嘅食物份份都大件夾抵食～除咗湯底同埋餃子都好優秀之外，呢到堂食仲會提供一小碟自家製菜圃，自家製菜圃無論係用來撈煎餃定係湯餃，都係咁惹味啊～雲耳白菜豬肉湯餃 (8隻)💰HK$46每隻餃子都大大粒，白菜同埋豬肉個比例啱啱好，再加上雲耳令到成個餃子嘅口感更加豐富！再飲埋呢到主打嘅無味精足料老火湯湯底，真係每次都會見到有埋湯料，次次都會忍唔住飲晒成碗湯～皮蛋豆腐💰HK$28都係大大碟，涼拌汁再加肉鬆、皮蛋同埋豆腐，撈埋一齊食，整體味道都唔錯，幾惹味～

好耐冇喺荃灣消費, 諗唔到食乜, 睇返之前keep咗嘅資料, 即管試吓呢間出名嘅餃子店. 星期日一個人下晝四點幾嚟到, 好彩即刻有位唔使排隊. 如果係兩位, 當時情況都要排15分鐘以上. 未嚟過嘅朋友記得要喺門口攞飛排隊, 門口排隊係冇隊型, 好容易企錯呀姐以為你買外賣. 冇辦法小店經營, 自己要主動啲睇清楚.由於唔算好肚餓, 坐低睇完餐牌, 就叫咗出邊比較少見嘅京蔥羊肉水餃（走湯）再加左兩個小食：涼拌萵筍同皮蛋豆腐京蔥羊肉水餃（走湯）水餃皮中規中矩唔厚，京蔥羊肉份量好好，最緊要係有咬口，唔係用攪拌機搞到爛晒嗰種。羊肉唔算騷，啱啱好。水餃size每粒都算大，千祈唔好貪心一個人叫12粒！涼拌萵筍同皮蛋豆腐唔知點解呢兩個小食嘅味道係一模一樣！ 估計係廚房用同一個汁整！ 餐牌上仲有涼拌木耳、手拍青瓜…估計都係用同一個汁撈。如果諗住叫小食就唔好嗌呢四款，因為上到嚟四碟係一樣味嘅😆小店裏面有見到8位姐姐返工，如果工作分配得好啲，相信小店生意可以再好啲！

餐廳地方不算寬躺，位於街坊商場，餐牌上價錢相對低，不介意等位、食得急的話，不妨試一試這間餃子屋！（閑日放工時間等咗半個鐘）⏱上網見到有YouTuber介紹荃灣不同的餃子店，立即到訪試一試！🥇(推薦 no.1）眾多好評的三色椒餃子出面好少見到有依個味道，而且三色椒一定會有一浸奇怪嘅腥味，但係餐廳整嘅三色椒肉餡離奇地好食，其實肉餡入面三色椒比例又唔係好多，但係加埋一齊個配合就好好食😋🥉(推薦 no.3）韭菜餃子如果唔怕韭菜陣味，一定會愛上呢個韭菜餃，好濃味，啖啖韭菜，超滿足！🥈(推薦 no.2 ）椰菜餃子好少食咁多菜嘅餃子，而且椰菜餃子我心目中應該係比較清淡唔會有咩味道，但這個椰菜餃子有驚喜。椰菜明顯有出過水，肉餡好爽口，椰菜同肉嘅比例剛剛好，咬落去都唔會覺得好似食緊草咁。相比起湯餃，煎餃吃上去有點油膩，女生的話吃五六個便會飽到停手了！特別的是，冇諗過老闆娘都會另上一碗魚膠豬骨湯比你！🍲咁就可以食到香口嘅煎餃，又唔會錯過佢有家的味道嘅老火湯（實測冇味精）！雖然韭菜餃、粟米餃，都係比較大眾常見嘅味道，但吃得出這間餐廳的肉有精心調味製作過，肉餡有口感冇雪藏味, 菜很爽口，成個餃子有鮮味又有口感

超級無敵多人嘅餃子店！長期出面都有人排隊🤔聽講已經屹立不倒咗好多年～啲餃子真係大大隻！個湯真係有啲湯渣喺度，感覺幾足料～-<木耳椰菜豬肉餃子>💰$44（8隻）回頭率：🥟🥟🥟🥟/5幸福感：🥟🥟🥟🥟/5飽肚感：🥟🥟🥟🥟🥟/5性價比：🥟🥟🥟🥟/5不專業評分：8.5/10👉🏻簡而精咁形容：味道中規中矩，勝在夠大隻！-<香菇木耳雞肉餃子>💰$44（6隻）回頭率：🥟🥟🥟🥟/5幸福感：🥟🥟🥟🥟/5飽肚感：🥟🥟🥟🥟🥟/5性價比：🥟🥟🥟/5不專業評分：8.5/10👉🏻簡而精咁形容：北菇雞飯嘅餃子版🤣成舊嘢菇味佔咗90%～-Btw上次嚟見到好多人叫煎餃就諗住試吓，點知中伏🫠對嗰舊嘢嘅印象只有一個，就係「超級無敵油……..」！！成個碟都係油，餃子皮又索晒啲油，放咗入口就到成口都係油……um….我就唔係好識欣賞🙈所以決定永遠都唔會再喺呢度嗌煎餃🫠

初初幫襯已經要排隊，經雜誌佈導後，繁忙時間基本上起碼要排半小時才有位，幸好之後擴建，位置鬆動一點，才不用等那麼久～這裏的餃子全部都大大隻，較喜歡煎餃。還有一定要配湯麵，魚膠淮山湯底膠質重，雖然現在已不及以前那麼天然好喝。餡料很多，咖哩、豬肉超夾，看到粒粒薯仔，咖哩微辣，惹味又香口！馬蹄大粒、爽甜香脆有咬口，香茜味濃，餡料可以中和一下煎餃的油膩。皮蛋豆腐超大碟，豆腐大大件，皮蛋未至於糖心蛋，但都不錯，由於面頭有大量肉鬆，伴微辣醬汁同吃十分惹味。略嫌醬汁有點過鹹！