龍鳳號 (裝修中)

食到台灣地道風味嘅台灣菜好多款都好食高質！推介蔥肉捲豬肉包住好多蔥醬汁酸酸開胃，好夾！麻糬地瓜棒煙煙韌韌又夠地瓜香一份有8條好足料👍🏻每次必點鹽酥杏鮑菇😌鹽酥調味好夠份量都幾多，而且會食唔停口呀~古早味魯肉飯魯肉肥美，珍珠米飯有咬口撈飯食好滿足每次必點燙蕃薯葉蕃薯葉質感好嫩滑淋上肉燥汁完美！宜蘭蔥肉煎餅皮薄脆口，蔥肉餡香口以前係煎，今次變咗炸感覺冇以前咁好食砂鍋麻油雞都幾大煲滿滿麻油香，雞都嫩滑

未去到台灣旅遊，就黎住食台灣野先，感受台式正宗風味！🍲砂鍋麻油雞 $88有雞、貢丸、菜。如果湯底再濃少少會更好。但雞肉係夠嫩滑、貢丸超級爽口彈牙。🥢醬漬蜆仔 $68加了大量薑及蒜調味嘅凍蜆，味道好夾，好惹味🍧珍珠奶茶刨冰 $98🧋重頭戲來了！係珍珠奶茶味嘅刨冰🧋(⁎⁍̴̛ᴗ⁍̴̛⁎)大碗到嚇親我🤣🤣2個人一定食唔哂。應該4人share!!🍧刨冰質感超級棉滑，由外到內都充滿着黑糖珍珠奶茶味🧋仲有面頭嘅奶蓋又厚又滑，再配埋珍珠，不得了(⁎⁍̴̛ᴗ⁍̴̛⁎)

觀塘美食集中地駿業街的日升中心，是觀塘區飯友的搵食勝地。二樓的龍鳳號主打傳統風味台式美食美食，以懷舊風裝修，小店形式經營單但座位闊落。.✿ 虎咬豬 💲36虎咬豬其實是台式刈包，因其造型就像是打開口的老虎在咬著豬肉，所以坊間又稱為「虎咬豬」。刈包夾著肥美的滷五花肉、花生碎和再加上開胃的酸菜，是神來之筆。.✿ 砂鍋麻油雞 💲88麻油湯頭以小黃薑和黑麻油製成的湯式，鹹中帶甜，是暖身滋補的湯底。即叫即煲的砂鍋麻油雞，原瓦煲上菜時熱辣辣。除了雞肉外，還有貢丸、豬血、秀珍菇和旺菜，還可以以優惠價加配台灣手工麵線。.✿ 鹽酥菇 💲42鹽酥炸物是台灣招牌路邊小食。相對於鹽酥雞，個人還是喜歡鹽酥杏鮑菇，因為水份多而清爽。.✿ 古早味魯肉飯 💲38主打古早傳統風味，有滷肉飯和肉燥飯兩種選擇。選用台灣珍珠米，肥味五花肉粒和惹味肉燥汁，很開胃。.不專業食評 IG nei.foodie

觀塘越來越多好嘢食 同朋友喺附近諗起日升中心有好多餐廳食lunch好選擇 行行下見到有間台灣野連週末都幾多人食下 好耐冇食魯肉飯啦🍚 就入左去龍鳳號🚶‍♂️🐣砂鍋麻油雞 $88店員一開蓋即刻聞到好香麻油味👃🏼未食已經好吸引令我哋食慾大增😜入面有雞件 娃娃菜 貢丸 洋蔥另外都有啲藥材 例如杞子 沙參 仲有好大舊薑 好驅寒 雞件嫩滑 仲有2隻雞中翼正正子貢丸都好香菇味同彈牙🍡🍛古早味魯肉飯 $38 魯肉飯果然冇令我哋失望👍🏼醬汁真系好濃郁 杰杰地 食曬啲飯都仲有汁 送飯一流😋魯肉份量都多 半肥瘦 仲要只係$38 真系抵食🍜惹味肉燥湯新竹米粉 $38雞湯底有炸蒜 雖然睇落湯底白雪雪但識落好香口同夠味 都吾錯 另外仲有肉燥 芽菜 蔥段🥢💭味道吾錯 價錢抵食 啱晒仲未去到台灣嘅我哋 緩和一下掛住台灣美食嘅引🥹

觀塘永遠都好多野食，推介一間味道唔錯，好多選擇既台式店，店鋪裝修都有心思。砂鍋麻油雞 $88砂鍋上，保拎熱度，除左主角雞件外，配料都唔少，有香菇貢丸、豬紅、秀珍菇同旺菜。一打開蓋，就嗅到好香麻油同酒香味。天氣再凍d食仲正，暖笠笠。麻油雞幾大件同滑，而且數量都唔小。滷豆腐 $32滷汁入味，豆腐夠滑。古早味肉燥飯 $38肉燥頗多，有台灣味道😝，個飯幾出色，搭配埋豆腐食，仲正😍屏東金桔檸檬 $28樽仔上，都唔算太甜，柑桔味濃。

週末的中海日升中心看起來有點冷清，但是識食的大家很懂架步，二樓的台灣菜館龍鳳號坐無虛席，7：30pm去到都差點沒位了！他們會提供餐牌讓大家看圖及介紹，用QR code落單夠方便。古早味魯肉飯 $38魯肉飯是他們的招牌菜式當然要一試！這碗為一人份量，在軟糯的台灣珍珠米上放滿加入香料煮成的五花肉及豬肉粒，形成橙啡色的魯肉。五花肉的油脂部分甘香不膩，肉質軟，味道鹹香中帶點甜，很有台灣小店的風味。砂鍋麻油雞 $88早幾天突然轉冷，吃個砂鍋暖暖身好適合。砂鍋熱騰騰上桌，然後才打開蓋。麻油雞一直都是十分滋補的菜式，湯汁充滿小黃薑、黑麻油及杞子，這鍋還有爽口彈牙的香菇貢丸、吸盡湯汁的豬紅、旺菜及秀珍菇，每一口都充滿濃郁的藥膳滋味。雞件都大大件，煮得軟嫩，容易咬開又骨肉分離，高質。台灣麻油手工麵線 $20我是特意點個基本手工麵線的。其實就這樣吃已經有麻油及乾蔥的香味，但我的目的是要把它混到麻油雞的湯汁一起吃！要是你喜歡吃麻油雞就不妨試試這樣吃吧，超正。鹽酥雞 $42滋補過後來點邪惡的。大盤鹽酥雞還在炸紫蘇和碎生蒜，口味重之餘，雞件還外酥脆內滑嫩，夠juicy。龍鳳荳花 $42最後怎能不來個甜點？龍鳳荳

本身打算同朋友係附近食泰國菜,結果無開😣見到呢間台灣餐廳好似幾吸引,就入去試下。裝修有台灣風味，環境舒適而且位置寬躺😊古早味肉燥飯：份量適中、肉燥味香但太鹹，食幾啖就想飲水，食得有啲辛苦😣綜合:包括豬蝴蝶腩、豬舌、豬心、生腸、嘴邊肉、豬脆管。啱啱好樣樣都可以試下，配上特製醬汁幾好食，份量偏多，3-4個人share先得。砂鍋麻油雞：除咗雞肉還有貢丸和蔬菜，麻油味香，但整體味道偏淡（中和肉燥飯的鹹味）😢雞肉不夠嫩滑，有待改善。麻糬地瓜棒：地瓜棒煙韌，外脆內軟，如果地瓜味香濃啲就更好！

之前係觀塘呢頭番工一直都想試下呢間台灣野，今次去開觀塘就終於可以一試啦！餐廳裝潢好靚，好古色古香。星期六來講算少人，得兩三枱客，所以唔洗等就入得魯肉飯一上桌好香，食落口超香濃，豬肉夠淋夠入味，配上醬汁好惹味原來呢味雞個湯係用酒煮，好濃酒味，雞好大塊，仲有啲菇菌類，分量都唔少，食完個身暖笠笠，好舒服。仲叫左最愛的芋圓做甜點，燒仙草只有熱的，味道淡淡，而且好*希*，應該係用仙草粉開水的，一般般。芋圓食得出係足料手工製作，味道夠，但唔夠煙un，份量都幾少。呢個價錢唔太抵下午茶時間送左飲品，叫左烏梅汁和雪梨水。味道不錯，烏梅汁夠酸，好開胃。雪梨水就正常偏甜，有媽媽煲個種嘅味道總括來講都唔錯，下次會再去！