CHI Tachinomi (屯門市廣場) (已結業)

約咗好耐終於約到幾位同事一齊食晚飯因為多同事住屯門，好日唔去一次嘅我終於踏足屯門食好西其中一個同事係呢間餐廳嘅常客，佢話呢度嘅食物十分有水準，見佢咁推薦我地就嚟試吓太耐冇嚟屯門，認真唔識路，好彩有同事帶路喺屯門市中心搵到百老匯，向衞訊方向一直行，出咗商場之後就見到佢喇！餐廳環境都幾舒服，除咗會播日文歌，呢度嘅燈光真係太適合講心事/公事(是非)喇，都幾有日本居酒屋嘅感覺8點開始就多人喇，好彩我地7點幾到～因為呢餐飯約咗好耐所以我哋都留咗肚嚟呢度大食特食，我哋決定嗌3個套餐，再加點串燒作為開胃小菜，胡麻蕃茄真係冇得輸。一碟有5-6件，涼涼地都幾fresh吓秋葵同香菇燒得啱啱好唔會過熟，好juicy! 秋葵就清啲，菇就比較濃味同食到燒烤香味。前面嗰一碟係燒鱈魚干，係我哋貪得意點嚟試吓嘅，又幾好食喎食落脆脆地好似餅乾，有少少魚味，重點係$28咁大碟真係好抵食！我地分別叫咗牛肉飯同鰻魚飯。牛肉同吉X家嗰啲廉價肥牛唔同，係用燒肉汁，肉都食得出係靚野，唔係得脂肪嘅肉。平時因為我要管理體重所以比較少食澱粉質，我忍唔住食晒成碗飯 同事都話鰻魚飯好高質，鰻魚肥而不膩，又唔會過鹹呢個係我哋加點嘅鮑魚，調味我

最近好多餐廳都會入屯門開，慢慢屯門變到好似咩都有。又donki, 又壽司朗，又Tony Wong 等等今日依間餐廳都唔例外Chi Tachinomi, 可能唔係太多人識佢。不過食過一次嘅人，一定會番食。我就係其中一個例子。誠實咁講，佢唔係平。不過咁嘅價錢，食到咁嘅食物，真係物超所值門面簡潔，係正屯門Donki 下面。屯門市廣場一期，十分易去。簡潔嘅日式風格，座位唔多。我晚上9點半last order 之前到，所以唔洗等。直入，不過有d 熱門食物已經賣哂。menu,如上。 dinner set,十分易揀先上磯煮鮑魚凍嘅，酸酸地，鮑魚好入味10分，冇野好講小食串燒，正正常常特別嘅係豬肉葡萄卷，第一次食十分之新鮮，咁嘅fusion 好得意。吉列蠔10分， 好好食。勁熱，d 蠔唔臭，好rich 嘅蠔味。最後一個鰻魚飯去餵飽你。迷你嘅，唔會太大碗。不過加埋其他小食就啱啱好。鰻魚好多。多過d 飯。有蛋絲，好有城意個汁好甜。要揸車，所以冇飲酒。叫左杯麥茶

呢間串燒店之前已經聽日講過話味道唔錯，咁啱約左個朋友去屯門行下順便到呢間日式風好濃厚既串燒店食晚飯。入去坐底見到呢款晚市套餐以一人套餐計夠晒豐富，包含5款選項，有前菜,飯類,兩款串燒及飲品。前菜-磯煮鮑魚當做前菜開胃得黎又豪華，原隻魚連殼鮑魚煮過後再以冷盤作為前菜味道入味得黎又口感又彈牙爽口。鮑魚味道甘甜帶住淡香鮮味。飯類-大阪牛肉飯牛肉煮得香軟嫩腍又夠入味，雖然牛肉煮得夠腍但唔會無晒肉既質感。牛肉經過燉煮後相當入味，牛肉汁鹹中帶微甜而且帶住一陣牛香。底下既珍珠米間帶住牛肉汁相當下飯。如果醬汁更多可以用黎送飯就更惹味。串燒A-秋葵秋葵香脆內裏順滑而且帶住秋葵獨有既清香味 串燒B-豬腩葡萄卷大大粒既原粒青葡萄被豬腩片包住再烤，帶黎外脆內爆汁口感。烤香既葡萄帶住一陣清香而且酸酸甜甜既味道化解左豬腩既肉膩感。凍麥茶帶住麥香，無糖冰涼夠晒解渴.