Homeland (牡丹大廈) (已搬遷) 新店位置

近日知道舊同事要移民，所以相約出黎食飯敍一敍順便歡送對方。Homeland門面非常搶眼，鮮艷嘅霓虹燈配上磚牆及塗鴉，十分易認。因為疫情關係，每張枱都有一支酒精搓手液，十分貼心。而且店員係換枱之間都會徹底清毒，令人食得更放心同舒服。打開餐牌見到抗疫套餐，價格都幾抵食就同友人各點一個。前菜沙律新鮮，加上酸甜沙律醋，零舍開胃。跟餐點咗檸檬茶，茶底唔澀啱啱好。卡邦尼意粉彈牙，有麥香配上香濃芝士汁同香口煙肉，整體配搭相宜。伊比利亞火腿同埋蛋黃再令味道更豐富幼滑。唔錯。香城漢堡份量十足，牛肉五成熟之餘亦帶肉汁，食落唔會乾口。漢堡包明顯唔係一般貨色，再加上烘烤過令香氣更足。配上洋蔥／蕃茄及芝士，口感味道都好好。薯條厚身又唔油，唔錯。套餐小食就揀咗炸蠔同埋德國腸拼盤。炸蠔脆漿厚薄適中，蠔肉炸到啱啱好內裡仲仍然濕潤，好味道。香腸方面份量又係十分咁多，法蘭克福／香草白肉／芝士腸仲配一大底薯蓉，份量同一個正餐不遑多讓，但價錢只係＄８８，真係超抵。香腸食落偏咸，但配上酸椰菜同食，除咗中和味道，仲可以減低油膩感。薯蓉奶香幼滑中仍帶有顆粒感，好味道。一邊食一邊傾計，真係快樂不知時日過。呢度環境舒適，食物質素又唔錯

大角咀真係一個好多美食嘅地方約咗朋友食飯諗咗好耐都唔知食乜好最後行過見到呢間裝修好靚好溫馨所以決定入去坐低試吓餐牌上面有好多選擇不過因為唔想諗食乜所以最後決定食佢嘅套餐其實套餐都幾抵食每人百幾蚊就有湯，沙律，主菜同嘢飲同朋友一人嗌左一款沙律啲菜都幾新鮮食落幾開胃之後就係是日餐湯好似係薯仔湯(?!)然後就係主菜我哋揀咗一個意粉一個飯share個份量都唔細我哋兩個女仔食唔晒卡邦尼意粉個汁煮得唔錯個牛面頰飯嘅肉煮得好淋咬咁唔錯最後仲有兩杯嘢飲總括嚟講係一個非常豐富嘅午餐坐得又舒服有機會可以再食多一次