Chullschick

营业中

休息中

原來中環、灣仔都有Chullschick，秘魯菜好罕見，餐牌基本上都係豬牛雞，各種烤肉類，無奈地，係比較容易食到厭。*Pork Tamal 秘魯豬肉粽 $90香蕉葉墊底，粽身呈長形，外層係粟米蓉，質地好綿好腍，有啲食唔慣。餡料係豬肉絲，重口味又有咬口。配埋洋蔥沙律、黃辣椒醬，爽脆+有辣度，口感比單食好好多。Peruvian beef empanada 秘魯特色牛肉餡餅 $130脆餅皮有厚度但唔會好難咬，餡料係免治牛肉、洋蔥，肉味香濃又足料。可以配搭阿根廷青醬，味道唔會好強草腥味。Green duck rice 煙燻鴨胸芫茜飯 $229芫茜飯超級綠，但味道唔會太強烈，有啲似青醬意大利飯，飯粒微硬，好上癮，煎半熟鴨蛋撈飯好正。煙燻鴨胸香嫩，反而鴨腿好乾好柴。配埋黃辣椒醬、紫洋蔥沙律，唔會太辣太嗆味，反而多一種清爽感。Peruvian grill 秘魯特色烤爐拼盤 $348招脾秘鲁烤雞半隻，醃料入味又重口味，腿肉嫩，雞胸稍乾但依然嫩。西冷牛排好薄好韌，完全冇牛肉味，唔推薦。西班牙豬肉腸有兩條，但我冇試。醬汁有三款：黃辣椒醬、茄汁、黑松露醬汁。仲有四款配菜，揀咗薯條、烤蕃薯。薯條重覆炸過，所以

※本文以用餐當日的環境、服務和食物質素為準，口味亦因人而異，文章只作參考之用。.月街周邊有不少特色餐廳 其中一間係Chullschick主打食秘魯特色菜 睇餐牌都覺得頗特別呢！黎食飯之餘 仲可以好好小酌一杯叫左幾款食物味道都唔錯👍🏻.餐牌.炸雞肉棒配秘製蛋黃醬 $92用了手撕雞肉再炸成雞肉棒 雞肉棒炸得乾身咬落仍帶脆口感 食落肉質軟嫩加上蛋黃醬味道更豐富.烤西班牙香腸 $118西班牙豬肉腸，食落帶惹味鹹香加上阿根啊青醬和黃辣椒醬同食 更覺惹味！.秘魯特色牛肉餡餅 $130賣相好似加大版既餃子🥟 外皮炸至金黃色外圍的餅皮稍為硬脆 內裡填滿滿免治牛肉餡牛肉用香料調過味 加埋阿根廷青醬 非常惹味！.招牌秘魯烤雞四分一隻 $100烤雞有幾個份量選擇 叫細份可以留肚食其他野☺️四分一隻烤雞比左雞髀我地 雞髀有用香料醃過香料味道頗突出呢，肉質也頗嫩滑！配菜仲可以揀我愛既波浪薯條🤤.秘魯油炸鬼 $68最後黎一道西班牙油炸鬼 熱辣辣食落外脆內軟如果朱古力醬可以濃稠返一點便更好了

一直都有朋友介紹呢間嘅雞，bookmark左中環店幾年，覺得唔就腳一直都無去🫢 佢哋而家開左分店係月街，終於搵到機會同灣仔朋友去食。⠀叫左網上比較多人推薦嘅item：招牌烤雞、海鱸魚他他薯蓉、牛肉餡餅、鴨胸莞茜飯。Omg佢地啲醬料係我杯茶🤩 無食過秘魯菜怕唔岩口味，一試不得了，勁後悔無一早去中環店haha以價錢黎講真係好足料、勁大兜。本身諗住試埋special dessert個冬甩，點知係飽到食唔落🤰🏻我個鴨胸飯都差唔多係成個打包，第二日帶飯。⠀* 要讚下本menu勁多圖，絕對可以睇圖揀食咩，仲要上菜係同圖片一樣，唔係只供參考用😆.⠀‣ 秘魯特色牛肉餡餅 $130免治牛肉 / 雞蛋 / 洋蔥 / 阿根廷青醬⠀‣ 煙燻鴨胸莞茜飯 $229煙燻鴨胸 / 鴨腿 / 鴨蛋 / 芫荽 / 黃辣椒醬 / 胡椒⠀‣ 海鱸魚他他薯蓉 $128秘製薯蓉 / 海鱸魚他他 / 卡拉馬塔橄欖 / 七味粉沙律醬⠀‣ 招牌秘魯烤雞 $100烤雞 ¼ 隻 / 薯條 / 黃辣椒醬

第一次食秘魯菜，原來會用好多唔同既醬汁同香料去煮，味道好豐富，好啱我口味🤣┄┅┄┅┄┅┄┅┄≋ 招牌秘魯烤雞（半隻）$150外層烤到脆脆地，一切開雞肉好juicy，點埋佢地嘅酸醬黎食更加開胃。配菜揀左烤番薯同蒜香飯，個飯超香蒜香味，同雞肉一齊食好夾。評分：🌕🌕🌕🌖🌑-≋ 炸雞肉棒配秘製蛋黃醬 $92外層炸得好酥脆，但係一啲都唔油。雞肉都幾Juicy，加埋蛋黃醬食好開胃。評分：🌕🌕🌕🌕🌑-≋ 秘魯芝士春卷 $80呢個春卷同平時嘅春卷唔同，佢外皮煙韌，包住入面嘅芝士。芝士味道好濃郁，但係如果係熱d嘅話應該更好食。評分：🌕🌕🌕🌗🌑-≋ 秘魯特色牛肉餡餅 $130外皮偏硬，切開入面滿滿既牛肉餡。評分：🌕🌕🌕🌖🌑-≋ 煙燻豬肉三文治 $98三文治既外層係薄餅皮，入面豬肉嘅份量好多！加左洋蔥絲好 fresh評分：🌕🌕🌕🌖🌑-≋ Pisco Sour $108原來呢款cocktail係南美好常見到～飲落酸酸甜甜，尾韻會有少少苦味。評分：🌕🌕🌕🌖🌑-≋ Chilcano $98有幾款口味可以揀，我揀左ginger，飲落同ginger beer有少少似，不過冇咁甜。評分：🌕🌕🌕🌖🌑