烤吧31 (已結業)

琴日全民搶飛日，搶到飛固之然開心，不過加插美食環節畀自己會更開心睇戲之前，喺佐敦食個串燒晚餐打定底先呢間除咗有滾吓滾吓嗰種烤魚，仲有燒烤魚，仲要係用黃花魚，所以好嫩滑，仲要醃得好惹味，呢個價錢食得過天梯其實係豬嘅上顎，因為佈滿凹凹凸凸嘅橫坑紋，所以以形命名。之前試過烚，今次就燒，原來燒係好食好多，爽口唔會硬冇諗過佢地嘅生蠔都咁大隻，唔會燒到蠔肉收縮，好有肉地，大量蒜油調味，香濃又吊到鮮味出嚟呢個價就食到燒白鱔，雖然唔大條但都好抵，燒到脆卜卜，肉質外脆內嫩茄子燒得好靚仔，調味香噴噴墨魚餅真係超乎大胃期望，諗住求其幾塊炸咗就算，點知個樣勁吸引，炸到勁脆勁爽身，墨魚好彈牙，好有魚香竹蔗茅根係佢地自己煲嘅，一揸好大壺，遞上檯O咗嘴，食完成餐串燒都仲未飲完，而且甜度啱啱好

近排耐不耐就會心思思嚟食烤魚！食開有條癮😆特別係（蒜香酸菜味既烤江團魚）🐟🐟🐟真係好好味🤭但今日失策左,唔記得食之前,影張魚相😭竟然犯咗一個咁嘅錯誤🙄我哋呢啲相機食先嘅人,真係好少會咁樣😁真係要返去檢討下😆😆主角都夠膽死唔影今日得三個人食,所以唔係嗌咗好多嘢,除咗烤魚,叫咗個黃金墨魚餅👍🏻好鬆化😀嗌咗四隻蒜蓉燒生蠔！👍🏻燒白鱔、燒雞軟骨 、燒魚卜、燒牛肉、竹蔗茅根、魚皮、啤酒🍻🍻

又係我哋每個月定期聚會嘅時候,又嚟咗尼一間飯堂🤭🤭因為實在太適合我哋嗰啲,又要飲酒,又要食嘢嘅人😂而且串燒嗰啲實在太適合飲酒啦！又唔使等齊人先叫,超級方便！😆😆😆今次我哋冇食烤魚,亦都冇打邊爐,又冇食雞煲,但食咗酸菜魚,同埋一大堆串燒,幾個小食😋😋一嚟到就嗌咗三個小食,醫下肚先😁（無骨鳳爪/拍青瓜/魚皮）👍🏻跟手再叫左兩碟蒜蓉燒生蠔🦪😋酸菜魚下面有啲粉,同牙菜,索曬啲湯汁好好食,我個friend食咗幾碗😂😂😂仲飲埋啲湯😆串燒方面,叫咗（蝦/白鱔/雞軟骨/牛脷/魚卜）同埋麻辣小龍蝦/燒茄子🤭🤭

今次得三丁友​食,所以今次索性唔食串燒，試佢推介嘅（椰子雞煲）👍🏻，真係超級好味，啲肉又唔梅，又唔韌，最重要佢落咗成個椰子落去，所以啖湯好甜，隻雞又大隻！一人飲咗幾碗湯😂😂😂另外配料叫咗白鱔片👍🏻（$48勁抵食！今時今日竟然仲可以做到呢個價錢😂我差啲以為自己睇錯），仲有魚卜/蘿蔔/雜菜😋仲叫咗兩個小食,川味無骨鳳爪/芥末魚皮，同埋嗌咗竹蔗茅根，本來想飲啤酒，但因為實在太飽,都冇飲到🫣🫣

之前嚟呢間烤吧31食過兩次，同學仔見到，話又想試下，所以就約埋一齊出嚟食，今次我哋都係食蒜香酸菜江團魚👍🏻，配菜叫咗2份豆卜/豆腐/鮮腐竹/生菜/萵筍串燒粉係唔少得啦！今次食咗燒鮮魚卜👍🏻/燒海蝦👍🏻/燒白鱔👍🏻/燒香腸，同埋一定要食嘅燒生蠔👍🏻🤤🤤🤤小食叫咗芥末魚皮👍🏻/川味無骨鳳爪👍🏻😋😋飲品竹蔗茅根水/啤酒今次依然無令我失望，個個同學仔都話好好食👍🏻話冇介紹錯🤭🤭😉

上次同完朋友去完之後, 一直念念不忘,想再食多次 ， 见就嚟做冬， 就索性約埋屋企人，一齊落去再食多次🤭🤭 同上次一樣，都叫咗香辣烤魚 /燒生蠔,同埋一啲串燒嚟食,今次仲試埋佢嗰個雞煲,都係好好味, 屋企人同我都覺得真係好好食， 好難得搵到一個，好似返咗內地食串燒嘅感覺， 今次因為同屋企人食飯，所以冇飲酒，食多咗啲嘢， 雖然燒生蠔真係好好食，但係真係敢食咁多，因為實在太肥味！ 個酥炸墨魚餅,今次都係好好食 !搞到我哋食完,又嗌多一碟嚟食,其實我已經好鬼飽😅但最後都係要食多一塊, 為我今餐打上完美嘅句號🤣🤣🤣