NUTTEA (海光街) (已結業)

返咗成日工咁攰，放工就諗住嚟飲返杯正嘢鬆一鬆，慰勞下自己! 伯爵朱古力堅果奶蓋茶佢杯上有貼紙，教客人先用匙品嚐上面嘅堅果奶蓋，再飲一啖茶同奶蓋，最後先MIX埋一齊飲，咁樣有3種唔同嘅飲法真係好特別!佢上層係有啲朱古力榛子味嘅堅果奶蓋再加上可可粉，口感好綿滑、小小苦但香濃嘅朱古力味；下層係伯爵茶，飲落順喉有淡淡茶香。撈勻之後就好似一杯朱古力味嘅奶茶，間中會食到果仁碎，口感豐富有咬口，又比一般珍珠奶茶健康有營養!(先食奶蓋)(再搞勻先飲)粉紅莓好堅果奶佢嘅質地似奶昔，但比奶昔無咁滯同有飽肚感；入口第一啖係清新嘅粉紅莓果酸味，然後係一陣陣堅果果香，仲會咬到啲果仁碎，口感同味道嘅層次比一般奶昔更豐富，而且成杯都係用新鮮生果、果仁製作而成嘅，感覺更加健康~呢2杯飲品都好好飲、好特別，第一次試堅果奶嘅體驗都好鐘意，遲啲要嚟試埋其他飲品!

Nuttea 係我最喜愛飲品店之一，今次去到側魚涌分店。門面不是很大，但位置方便，在港鐵站附近。各分店的裝潢都好接近，一樣有五種堅果柱子同奶蓋樣品，睇落好健康好好味。今次去時店員剛好換menu, 有新登場的菠蘿堅果奶蓋茶。用上新鮮菠蘿，加上微甜微酸，好有夏日感覺。而奶蓋佔了整杯既1/2，真的真材實料！$41價錢合理。現在響應環保，所以膠鏟轉了木鏟，但依然可愛。用鏟子吃一口奶蓋，再喝一口鮮菠蘿，好好味丫。另外點了粉紅莓好堅果奶，粉紅色的堅果奶好靚，不會好甜，飲前最好搖一搖，因為有好多士多啤梨籽係底哦！如果細食或者減肥可以作為代餐。唔錯唔錯！由於剛買完兩杯飲品就下巨雨，所以要了個袋，要加$1。紙袋都幾實淨，可以循環再用。