蜜蜜見 (已結業)

由於上次有好美妙的感受，今日決定再去蜜蜜見，我叫了精選之粒粒蟹肉意粉。發覺這意粉有很多蟹肉絲及小量蟹子，啖啖都是滋味，並且湧上心頭。 突然間，我在心内呼喊，店內廚師為何可以把這意粉煮得咁美味呀？不知怎的，我自己都好開胃，瞬間已把這碗意粉食完。 最後我叫了杯熱莫加朱古力咖啡，和上次一樣都是好飲的。

行行吓將軍澳，發現高質西餐及甜品小店。第一次寫食評，梗係要搵一間滿意嘅嚟寫啦！ 小店雖小，但係環境色彩繽紛，店員態度友善，出餐快，食物質素佳❤️ 熱薰衣草茶 🍵✨入口有淡淡的薰衣草香，同平時品嚐嘅薰衣草茶一樣⭐️ 蠟燭令茶的溫度得以保持，對於小店嘅貼心，真心欣賞粒粒蟹肉意粉🍝 $88意外驚喜，真係啖啖蟹肉同蟹籽。幾好味蜜椒辣雞翼 🍗配沙律 +$24熱辣辣，鍾意食辣椒仔(tobacco)嘅你一定會鍾意。雞翼外脆內軟。基於個人口味問題，下次我應該揀辣粉雞翼作者原味雞翼。 榛子可麗餅 $44高質甜品😋 榛子朱古力可麗餅配朱古力雪糕，簡直冇得彈😋呢個甜品簡直係為晚餐畫上圓滿嘅句號😍以呢個價錢，真心扺食

放假就會好想食甜品，去開將軍澳發掘到呢間有咸又有甜嘅甜品店。打開餐牌鹹甜嘅選擇都好吸引，見意粉餐有加配優惠，我哋就叫咗一個餐另加小食甜品。意粉餐揀咗粒粒蟹肉意粉（$88），跟餐免費配汽水或者花茶，加錢可轉其他飲品。蟹肉意粉彈牙有嚼勁掛滿香濃忌廉汁再加埋蟹子更有口感。跟餐加$16叫咗Iced Latte Macchiato ，望落好似冇冰但飲落夠晒冰凍，比起有冰嘅咖啡完美保留到咖啡嘅香味，就算飲到尾都仍然夠凍，估唔到呢度嘅咖啡有驚喜。朋友叫咗杯黑牛，$24大大杯好抵飲。小食揀咗芝士肉醬薯條（$54），雖然係小食但份量超足，肉醬味道濃郁，層次豐富，再加埋拉絲芝士，食唔停口！喺咁多款招牌甜品中，我哋揀咗香芒拿破崙泡芙（$54）-跟意粉餐可減$15，泡芙賣相精緻，非常酥脆，夾埋芒果醬吉士醬同雪糕一齊食實在係完美嘅組合，果然係招牌甜品！另一個甜品揀左新推出嘅榛子香蕉牛角窩夫（$54），牛角窩夫熱辣辣，口感酥脆夾雜陣陣牛油香，上面鋪滿榛子香蕉醬再加新鮮打嘅cream，仲要打孖上，超級滿足！呢間小店由咸到甜都咁有心思，非常值得推介！順帶一提，牆上掛咗幾幅好靚嘅原創畫作，去食甜品之餘可以欣賞下🎨好滿意