小魚兒 (寶漢大廈)

营业中

休息中

銅鑼灣除咗登龍街多美食之外，其實波斯富街呢邊都有好多美食㗎！好耐之前喺尖沙咀已經食過呢間小魚兒 ，原來銅鑼灣都開咗間旗艦店，餐廳主打烤魚、串燒、雞煲同冒菜等等，真係啱晒啲鍾意食各種川菜嘅人啊！另外，餐廳燈光昏暗，裝修型格得來又有氣氛～鮮九葉花椒BB豆花海鱸魚💰HK$308湯底揀咗鮮九葉花椒BB豆花，辣度揀咗小辣小麻，湯底濃郁，麻麻辣辣真係好惹味！海鱸魚相當之大條，兩個人食其實加多1-2款火鍋配料，份量都已經好足夠！海鱸魚嘅肉質緊實細緻，冇碎骨！豆腐入口非常嫩滑，配菜仲有豆芽、木耳同埋寬粉等等，整體口感豐富多元化～精選美國肥牛片💰HK$128肥牛肉質肥美，鮮嫩多汁，而田厚薄適中，能夠迅速吸收哂滿滿嘅湯底精華，非常惹味～可樂💰HK$18

🐟鮮九葉花椒BB豆花海鱸魚($308)海鱸魚肉好嫩滑，唔鞋口，而且最重要係無乜細骨😆我地叫左少辣少麻就恰好👍🏻配料有超滑豆腐、青瓜同埋寬粉😍寬粉好厚身同滑嘟嘟，好有口感😇🐄精選美國肥牛片($128)份量多而且每塊都好大片!!🥛炸雙皮蛋($39)外皮脆口，內裏軟熟同埋超濃牛奶味😍推薦👍🏻🥤飲品放題($28/位)同枱每一位都需要加配，有餐廳自製嘅冷泡茶! 桂花綠茶同埋金鳳烏龍茶🍵原價每樣$38所以任飲比較抵😂桂花綠茶比較甘香，烏龍茶茶底夠濃😌仲有其他枝裝/罐裝飲品可樂、冬瓜茶，甚至紙包維他奶😆

講咗好耐話要食嘅烤魚，週末晏晝終於有閑情逸致可以慢慢黎😚呢度都闊落，大半間係梳化位，坐得舒服😌▪️ 老壇酸菜豆花 + 海鱸魚（7.5/10）💲308首先可以揀口味同埋魚種，之後再揀辣同麻度，呢次要左不辣不麻，如果有得揀埋酸度仲正🤪條魚都幾大，可以啖啖肉，質感厚實，新鮮唔腥，跟配香蔥、蒜粒、酸菜、芫茜、芽菜、洋蔥、青瓜、嫩滑豆花同埋超級煙韌寬粉🫢侍應幾友善幫忙加湯，不過我哋一路傾偈一路食，滾足兩個幾鐘會越黎越鹹，要加返啲水稀釋下🤫▪️ 精選美國肥牛片（7/10）💲128脂肪分佈適中，有啲會有少少筋，味道不過不失🐮▪️ 豆皮（7/10）💲28自私食既豆皮，份量多得很🤣但同酸菜湯唔算最夾，始終都係跟麻辣湯索汁正啲🤔▪️ 寬粉 （8/10）💲36本身見烤魚有寬粉無特別叫，但口感實在太出色，食上癮要追加🥹🔎 整體評分（7.5/10）