伙食工業 (已結業)

Book左2:15, 黎到都唔太多人，好多位。 地方好大，有好多唔同既位可以揀，卡位係梳化，坐得好舒服，另外有長枱，圓枱，亦好多樂器，書既擺設，打卡都幾靚。主打台式野，有飯有麵，亦有all day breakfast, fish n chips呢d小食。 紅燒半筋半肉麵 - 麵係粗麵，幾煙韌，筋肉都幾淋，湯底唔太濃，不過不失啦清燉半筋半肉麵 - 個湯底睇落一d都唔清，好似老火湯咁白白地，飲落比較油，有d豬骨味，同個麵唔太夾兩豌麵都有叫走葱，單都有mark, 但黎到兩碗都冇走，呢個扣左d分黑糖珍珠奶茶 - 本來叫左熱，但黎錯左凍，同佢講都即時換俾我，仲好熱tim。 個茶底澀左d, 奶味唔太出，珍珠冇味整體體驗都算ok la, 叫staff都好快有反應，隔離枱倒瀉野又好快拖。 我地坐低都即刻幫我地抹一抹張枱。泊車：今日星期六，街有位就泊左街，門口前少少就有位泊ga la, 或者可以泊山尾街爛地場，行過黎5分鐘左右。

有時候，台灣人比香港人更了解政治，更留意時事。因為香港有可能會成為台灣既倒影😢黃到金既老闆，配上大量文宣💪🏻雖然唔近地鐵站，離出口要行大約十分鐘。但都阻礙唔到香港人黎食野😂平日午膳時間，基本上一定爆場👍🏻如果係平日午膳黎，建議打去訂定檯。整間鋪都係用左工業風去設計，每一張檯都用左唔同既餐桌同餐椅，但併埋一齊，並無違和感。💬廁所唔算整潔，有少少尿臭味，要改善一下。🔹紅燒半筋半牛肉麵 $60個湯底好清，牛肉尚算燘得夠不過就未去到好淋既地步麵條有少少粗，唔入味，有少少湯同麵分開既感覺份量偏大，適合男士🔸醉雞麵線 $65聞落去有好香既酒味，但食落唔重酒味偏清淡，而麵線亦有少少煮過龍，偏淋其實去過幾次，每次既服務都偏混亂，每一次都有漏單既情況，如果午膳去食，就真係要預留多少少時間，一個鐘時間會好趕🙊