程班長台灣美食 (已結業)

第一次慕名前往幫襯《程班長台灣美食》，坦白說，店舖的位置不是處於顯眼的大街小巷，而店內的裝修也比較簡陋，第一個印象真的不是很吸引。不過，所提供的食品真的充滿濃厚的台灣風味，感覺很正宗。先來一碗「紅燒牛肉麵」，麵條的口感幼滑，應該是正宗手工麵，因為肉眼所見，每一條麵的粗幼都不同，而且湯底非常美味，牛肉切成粒狀，咬下去感覺很香軟。接著試試「蚵仔煎」。裡頭主要有生菜和蠔仔。蠔仔的數量雖然不算多，但是體積比想像中大。不過，對於吃慣潮式蠔餅的我來說，感覺沒有那麼香口。最後，點了一份「蔥油餅加蛋」。吃下去的口感很豐富美味，而且沒有想過會那麼飽肚，幸好惠顧套餐只要加$10就可以換購一杯酸梅汁，可以速速幫助消化。整體來說，對於喜歡吃台灣菜的朋友來說，真的是一個很不錯的選擇。

我忽然發覺自己原來已經很久未光顧過，位於「荔枝角」工廠大廈樓上的著名台灣菜餐廳「程班長台灣美食」。可能因為自己很久未光顧「程班長」，所以連「程班長」現在的收費模式也幾乎忘記得一乾二淨。今次光顧「程班長」，剛剛進入食店門口不久，被「程班長」食店裡面的侍應安排檯櫈座位給我之後，立刻遞上手寫餐牌自助點餐紙給我，選好食品飲品之後再前往收銀櫃檯付款購票。我完成付款購票的所有程序之後，「程班長」收銀櫃檯的店除了收錢和找續之外，還遞交一個已經預先過膠的紙牌號碼牌給我，告訴我把號碼牌放在餐檯檯面上，等候食店侍應送餐過來就可以了。不過我在付款，再領取「程班長」的號碼牌之後，等候了幾分鐘之後，「程班長」的侍應終於也都捧着我之前在收銀櫃檯付款購買的食品飲品，送到的餐檯檯面上。至於餐具方面，現在「程班長」的運作模式有點像快餐店模式，所以食客在收銀櫃檯完成付款購票程序之後，還需要自己前往食店接近門口的自助吧，領取自己需要的餐具。說回今次我在「程班長」裡面享用晚餐的實際內容，我分別付款購買了一客「紅燒牛肉麵」、一客「麻油雞湯」連白飯套餐，還有一杯算是凍飲飲品的「冬瓜檸檬茶」。「程班長」飲品「冬瓜檸檬茶」雖然算是凍

下午放假 約左老公去荔枝角玩 就順到搵下荔枝角有咩美食 一搵之下 搵到間隱世美食😋 台灣菜去到已經是1:30有多 點知門口仍是大排長龍 果然利害👍 但隔局比我想像中有點簡陋 一格格好似自修室咁😬我地點左個紅燒牛肉麵 肉質有咬口 軟諗剛好 如果酸菜再多點會更野味仲點左個三寶面 有筋 有肉 有牛肚 牛肚只有二塊 小食多滋味 因為走左辣 變左清湯上 😦最好味一定是個豆乳雞 又香又脆 但唔油 好好味😋😋👍 下次都要encore餐飲點左個冬瓜茶同酸梅湯 冬瓜茶偏甜 而酸梅湯 又不太酸 中和一下更好😌

紅燒牛肉麵（5/5）呢個牛肉麵超好食！分量適中，都幾多牛肉，牛肉好林，味道剛好，啲湯好好飲好濃郁，配埋個面啱啱好，個麵軟硬度適中，有少少辣，我覺得唔食得辣嘅人都接受到，呢個一定要試真係幾好食😋牛肉乾拌麵 （4/5）佢其實係紅燒牛肉麵嘅冇湯版，牛肉同麵完全一樣嘅，牛肉一樣好林，麵底軟硬度適中，分量都一樣，不過佢多咗青瓜絲同滷蛋，佢都有少少辣，不過因為佢係乾拌麵，冇湯沖淡佢，所以咁咪會比較濃少少，辣度都會多少少🤏

疫情期間，好多黃色隔板格住桌面，多一份壓迫感。等到座位後，揀好嘢食，自己行去櫃檯點餐，比完錢，佢會俾個號碼牌你擺喺枱，食物自動送上。✨食物79分，服務75分。.🔸紅燒牛肉麵($53)牛肉稔，好易咬，唔會整到韌。麵質有咬口，少少Q彈口感。湯頭用牛骨豬骨熬製，冇落味精都好香濃，仲有少少辣，令成碗更加惹味。.🔸魯肉飯($28)呢個魯肉較瘦，食落唔會好油膩，味道ok，魯肉再多啲送飯就好，唔夠魯肉食淨少少白飯。.🔸玉米起司蛋捲餅($36)其實嗌呢個本身係諗住食蛋餅，點知原來睇錯，佢個餅係用有時食咖喱有機會食到嘅烤薄餅，中心有啲溶溶地既芝士，蛋，粟米，但同個餅唔太夾。.🔸唐生菜($20)菜上面既醬係蔥油，食落甜甜地。.🔸仙草芋圓冰($30)好足料，好豐富，有唔同既豆，龍眼肉，芋圓煙韌，仙草滑溜溜，配涼浸浸既冰。.🔸阿嬤傳統鳳梨冰芋圓($28)又估唔到咁正，成杯沙冰咁，好香鳳梨味，仲食到好多香甜嘅鳳梨肉，仲有煙韌芋圓，好爽！

Yeahh~終於食到程班長啦😍勁多人等位！我地已經6點左右到咗😆都等咗一陣先有位！啲店員都係講台妹腔嘅普通話☺️好似去咗台灣咁紅燒牛肉麵！佢係力削麵黎嘅，湯甚濃，而且好似有少少酒味，令個湯有昇華!牛肉係類似牛腩粒，都好多下!我就嚟飲晒啲湯小食黎講！我覺得鹽酥雞比較突出，唔會好多粉，舊雞好juicy又吾會好Line!!!!!炣仔煎相對地普通，啲蠔吾係好新鮮，而且麵粉多而厚！麻麻地，有進步空間haha

程班長依然係🧒🏽係香港食過最正宗最好味既牛肉麵呀，好耐冇食就緊係帶埋👦🏻食啦哈哈🥰當然唔可以錯過既就緊係紅燒牛肉麵啦，會有小小辣加上酸菜等等超級入味湯底加上麵條真係已經好好味，仲有仲有緊係仲有入哂味既牛肉啦，又有分量又夠哂腍，真係絕對地道既台灣味呀🤤🤤🤤今次冇食蛋餅試左牛肉捲餅，好似食緊扁皮鴨咁既包法，入面就係牛同兩條蔥咁，個皮就好似食咖哩果隻餅咁，食落幾fusion又幾好味哈哈，下次再食下佢其他小食先👅💦💦💦💦💦

紅燒牛肉麵 💲53蔥油餅加蛋 💲30傳統爌肉飯💲38綜合盤（甜不辣、豬耳、百頁豆腐） 💲28山粉圓 💲10（跟餐）❔ 爌肉較乾身 各有所好😎阿嬤傳統鳳梨冰芋圓 💲28❔ 鳳梨冰含鳳梨肉🍍 消暑解渴 但等候時間過長（食完主食都仲未到😅）👅Taste：3.25/5💰CP值：3.25/5🙋🏻‍♂️Service：3.25/5👁‍🗨Stylishness：3/5

火紅火熱的台灣美食想去好耐既程班長台灣美食終於有機會試到，鄰近荔枝角鐵路站，位置在工廈入面，特登在閒日過左午餐時間先去去到有好好人既台灣姐姐招呼，感覺好親切喔，又唔洗等位，座位係木台木椅，好地道既台灣感覺我叫左紅燒牛肉麵配山粉圓，我係鐘意呢隻質感既麵，食落似刀削麵，可惜偏硬身，紅燒牛肉好入味同淋身，我呢d無牙婆婆食亦唔會覺得佢硬同埋zip牙啦，湯底惹味，因為伙伴個便當無咩餸，所以比左幾舊牛腩佢，呀.. 最好食上面果撮咸菜，伴麵食好開胃，解左湯底既油膩以前從未飲過山粉圓，入口一粒粒似大粒既泰國珍珠或者奇亞籽，咬落去硬硬地咁，配淡淡甜味既紅糖水伙件就叫左餐牌推薦既程班長便當🍱，份量稍嫌細份，同埋黎到有少少失望 可能見餐牌舉曬手指公有少少期望啦，好普通既便當，菜式亦好普通味道無咩特別

估唔到香港都有咁地道晚台灣美食。呢間台灣餐廳位於荔枝角其中一間工業中心一樓。因為係工業中心一樓，以為唔會太多人。點知錯晒。一入到去坐無虛席，可想而知質素一定有返咁上下幫我地落單既姨姨用好台灣腔普通話熱情招呼我地，有種去左台灣既感覺😌😌牛肉麵既湯頭可以話成碗麵既精髓，而佢完全做到鮮甜又唔油膩。而牛肉都好林滑，麵質都好彈性😌😌❤️❤️呢個雞脾便當絕對唔簡單！雞脾好嫩滑又唔會太乾，必點！蚵仔煎可以話係去台灣必食。程班長既蚵仔煎係同係台灣夜市食到既味道原全無分別🤤🤤

位於荔枝角D2place two對面工廈1/F地點好易搵 仲好近地鐵站之前經朋友介紹 話好好食今日終於可以黎試下啦去既時間尚早 所以都冇咩人平時下午時間 成日見到樓下好多人份餐牌 老實說 字有點多 睇落好眼花用左d時間 先搵到我想叫既野系邊今次試試：紅燒牛肉麵 手工魯肉飯 冬瓜茶可能剛開門 冇咩人 好快就有得食牛肉麵 湯底好濃郁 牛肉仲好唸 不過叫左辣既 都食唔到辣味魯肉飯 外面好普通 但味道都唔錯冬瓜茶 都有驚喜 比出面既味道唔同d整體黎講都滿意 會再幫襯 想再試試其他款式店內職員都系台灣人哦 好地道既感覺

今日午餐係附近覓食，億利係一間好多食肆嘅工廈，今次就嚟到程班長食 lunch。首先黎到嘅係紅油抄手，$33有十粒，size 唔算大，但勝在個醬汁好好食，除咗有辣之外仲有肉躁嗰類甜。之後係呢碗麵，同紅油抄手嘅水餃一樣size ，不過因為唔係辣，所以比較清，都幾健康。最鐘意係呢碗紅燒牛肉麵，小小辣之餘個湯好有牛味，最緊要係佢用牛展，所以鬆軟之餘又有啲彈牙嘅咬口。可以簡粗幼麵，我就叫咗粗麵，感覺有啲似刀削麵。唔會因為麵粗，令到外面淋 而內部煮唔熟，所以好好食，好有質感呢。總結，紅燒牛肉麵值得一試～

之前聽朋友講，程班長會連放五日中秋節假，今次來碰碰運氣，想不到他開門了！我們在門外等了約2分鐘就可以入座，可能因為很早就到了，所以沒有太多客人，很快就找到位置了！平時來的時候，我都會吃清湯牛肉麵，但是朋友們想係紅燒牛肉麵，所以今次就試一試紅燒牛肉麵啦！我們叫了紅燒牛肉麵、紅燒半斤半肉麵同埋三寶麵！三寶面係乜嘢來！原來就是有牛肉、牛筋、同埋牛肚！我覺得紅燒牛肉麵的湯底10分濃郁，但似乎有太多了！吃完後覺得好「野痰」，嘴邊都有一些油淋淋的感覺！但是他們的牛肉的確很出色， 10分軟熟， 10分入味！麵條很有咬口，但都新來說實在分量太多了！再配上一杯每次來到必學的冬瓜茶，實在是人生一大樂事！冬瓜茶味道濃郁，有清甜的冬瓜味！下次來到也會繼續飲冬瓜茶！

食過幾次程班長，但第一次幫佢寫食評☺️黎到每次都會嗌冬瓜茶飲！覺得清甜解渴❤️另外一定會嗌紅燒牛肉麵☺️雖然有小辣標記，但都唔算辣。牛肉都算軟身，最好味係個湯底😍今次試左蚵仔煎，睇食評見好多人話好食。份量充足，蚵仔都好大件，不過粉漿撈得唔係好均勻，食到成口得粉漿😢同我想像中有啲出入🙈牛肉捲餅唔錯😆青瓜同蔥配埋味道好夾👍🏻唔係好濃味，唔啱重口味嘅人喇～今次黎見到有新出嘅擔仔麵，嗌左碗細嘅試下，隻蝦幾鮮甜，但麵軟左啲，同個湯幾淡，平平無奇🙈

今日食晏多咗時間，坐兩個站嚟試吓。好長龍！點咗紅燒牛肉麵、柴魚皮蛋豆腐。牛肉麵湯底好味，牛肉似係巴西牛肋條，幾冧但係唔多入味。柴魚幾厚，有啲韌，同埋皮蛋唔係溏心。可以一試，不過唔使專登去，同最好單丁！