慶記 (已結業)

朋友帶我黎過一次呢間上海菜，見佢性價比咁鬼高，今晚再黎拜會下😎上次食生煎叉燒包一試便愛上😍 今晚決定試下生煎胡椒包，另外仲叫左醬油西生菜，巴東牛肋條撈麵，豬軟骨菜飯，一杯熱桂圓蜜同埋一支豆漿😀呢度既生煎包係即叫即整熱辣辣，包體軟熟底層勁香脆！今次試胡椒包既胡椒味好濃郁，有啲辣，都幾刺激味蕾😂 裡面肉餡肥瘦適中爆晒汁，仲有啲洋蔥好鬼香😍西生菜幾大碗，口感爽脆，面頭有啲炸蒜增加香氣👍巴東牛肋條好重椰香味，都有啲辣，肉質好淋非常嫰滑！麵條彈牙，個汁要黎撈麵無得頂，超開胃惹味😋豬軟骨同樣炆得好入味，肉質口感好好完全唔痴牙😂 呢度一個飯先四十幾蚊，埋單仲要唔駛加一，坐得又舒服，真係唔知邊度仲搵到咁抵食又出色既上海菜😯👏

今晚約左個係大角咀返工既朋友食晚飯，呢個朋友比較節儉，所以推介左間佢食過一次話抵食夾大件既上海菜俾我試😄我地叫左個茶燻煎軟雞滷肉菜飯，豬軟骨菜飯， XO醬蟹肉小籠包，醬油西生菜，熱桂圓蜜同埋一支豆漿～菜飯係用個碗另上，份量果然好多😂 不過啲菜略嫌淋左啲～茶燻煎軟雞外層香脆唔油膩，滲透住淡淡既茶香味，雞肉嫩滑😋滷肉肥瘦均勻，入味而且夠淋，唔錯👍豬軟骨份量都幾多，肉既部分好淋，軟骨位有咬口，D汁送飯一流😁XO醬蟹肉小籠包黎到熱辣辣👏 一夾起就見到皮超薄裡面超多汁！好出色！！餡料唔會太多肥膏剛剛好，不過可能我點左太多醋，唔太食得出XO醬味😂😂醬油西生菜幾大碗，落完單一分鐘就黎到😂😂 唔會太鹹，菜好爽口，面頭加左啲炸蒜更加香桂圓蜜足料夠味👍晚市都唔駛加一👏 兩個人食到打包埋人均都唔駛一百蚊，抵到爛！😂😂😂

秋意漸濃🍁 胃口大開👅 想食一碗熱騰騰嘅麵、暖笠笠嘅小籠包第一時間諗起上海菜！喺大角咀見到呢間牆身排滿蒸籠嘅餐廳已經垂涎三尺🤤 肚子馬上咕咕叫🍽一坐低店員即刻端上茶壺，奉上茗茶可以喝一口茶，非常窩心。XO醬蟹肉小籠包，即叫即蒸皮薄陷靚小心翼翼夾起點一些醋汁放入口中熱燙燙嘅湯汁瞬間溢出再緩緩咀嚼內裡嘅蟹肉，味道濃郁！#雞翼控 鋒鋒叫了香草雞翼炸得金黃香脆，灑了點香草肉質幼嫩多汁，水準唔錯。我點了這個 #巴東牛肋條慶麵湯底有點似冬陰公的味道，辣辣的蠻開胃牛肉煮得好入味，咬落好淋，完全唔韌配菜夠晒多，麵條夠彈牙，很快就食晒！#紅燒豬軟骨菜飯 豬軟骨炆到好淋和牛肉一樣好入味，軟骨好爽口再配合菜飯食得健康🥬還叫了兩枝飲品