東龍島假日士多

营业中

休息中

餐廳老闆很好客！提供很多不只餐廳提供的服務❤️本人其實第一次去露營，本身上網睇過東龍島無廁所，但黎到呢間舖頭，原來老闆又有提供廁所同水龍頭供客人假日任何時候使用，不愧叫做假日士多！唔知點解島上的魚片真的很好味，聽店主說魚片是親自打魚而打成的！本人叫左魚片紅腸麵，朋友叫左餐肉紅腸，所以有一塊超厚切的餐肉！雖然不是出前一丁，但覺得味道還不錯，而且紅腸、餐肉、魚片都有煎過，再加上有菜心做配菜，實在覺得好有媽媽煮的味道！這間士多位置距離露營營地不到30m, 超方便！夜晚廁所同水龍頭都可以開放到凌晨供露營者使用，太貼心了！真的要俾好多個讚！推介推介！

周六放假，一大清早與友人搭船到東龍島釣大魚﹗九點船，今天遊客不多，船上計埋我地只得五六個人，唔洗同人迫就最輕鬆。落船當然先諗開餐，之前來過兩次東龍島，次次都係去假日士多食個麵，今次當然不例外了﹗離碼頭大約十五分鐘腳程，都未行到去坐低老闆娘李太已經出來同我地講早晨，服務真係一百分。細問之下原來筲箕灣來東龍島的船壞了幾天，所以這幾日遊人也得小貓三四隻，怪不得士多得我地一枱客﹗點了紅腸魚片麵，再加多杯熱coffee。紅腸同魚片都煎過，夠香口，魚片薄切卻味道濃郁，送麵一流﹗麵是公仔麵，雖然只是簡簡單單的一碗麵，不過次次來到東龍島吃都覺得特別好食，也許心情影響味道，放假心情好，真係麵都靚0的﹗咖啡是雀巢即沖，勝在服務好暖入心﹗老闆李生好詳細教我地釣魚地點，仲畫埋地圖俾我地跟住去，相當貼心。釣魚又點可以無啤酒，最後幫趁左老闆買左成半打生力，$12罐合理。是日大浪非常，又是打龜的日子，在燈塔守左成兩個鐘都無魚獲，輸在裝備﹗決定轉一轉釣點，當然又是要先醫好肚餓，又來這兒食午餐，我要了這兒老闆話自己包的東菇餃及韭菜餃雙拼﹗冬菇餃很足料，餡用的是鮮冬菇、豬肉及蔥，味道未算濃郁卻鮮味，很有家的感覺，即叫即包

五月一日勞動節，做地盤的我難得有假放，點都要出去行下，唔想成日都只係見到泥頭同埋翻土機﹗遠離市區去到東龍島，對上0個個食評原來都係我寫的，原來年多沒有來了﹗點了去年來的紅腸魚片麵及凍奶茶，紅腸魚片是煎過的夠香好味，公仔麵睇得出佢做得好有誠意，即叫即整所以等要等得耐0的﹗不過可以0係離島吃到一個早餐感覺窩心﹗凍奶茶呷一口夠茶味奶香，在這炎熱的天氣下飲完舒服哂﹗東龍島環境很美呢﹗遠離煩囂吸收天地靈氣，呢度值得一去﹗不過去就記得帶蚊怕水，郊區多蚊要小心﹗想睇下東龍景色可去我blog睇下﹗http://hk.myblog.yahoo.com/smallsmalllin/article?mid=2315