Passion (利東街)

营业中

休息中

上星期上堂前去了利東街的食午飯，自從利源東街重開後，多了很多食店, 今次去了Passion By Gerard Dubois食.這店有兩層，地下那層主要賣麵包，沙津和甜品. 樓上那層就賣意粉，飯，薄餅和飲品為主.午飯時候，非常多人，好難先揾到位.落單後，客人會收到以下這個提示器，由於這店是自助形式，一響便自己去取食物，若果同時點主食和甜品，就要上上落落，這方面就麻麻地.我點了Mocktail, 一共有五款口味, 我選了荔枝, 芒果, 熱情果汁.味道幾清新, 甜度又適中, 好啱依加的天氣飲, 幾透心涼.見好耐無食千層寬條麵, 所以點了烤蔬菜千層麵.夠晒熱辣辣, 仲香味撲鼻.若果是肉的千層麵, 可能會較為膩.但由於這個饀全是蔬菜, 起了中和作用, 食的時候唔會覺得膩, 兩者仲好夾添.我自己鍾意食烤嘢, 除了夠熱外, 所有材料精華互相融合, 特別美味.見到這裡的蛋糕咁吸引, 我就選了紅莓千層酥.賣相非常精緻.拿破崙酥皮夠脆身, 又鬆化.我鍾意酥皮和紅莓之間的忌廉夠滑身.酥皮與酥皮之間夾着紅莓, 數量也不少.入口是帶有酸味, 好適合飯後食, 幫助消化.

今天第一次踏足重建後的利東街，陪好友選購完婚宴所需的用品後，來到這裡享用茶點。見地下露天座位坐滿外國人，於是我們選擇到1樓就座。1樓的空間寬闊，裝潢富歐陸風，與利東街高掛的一排排中式紅燈籠形成強烈的對比。地下主要供應麵包、甜品、雪糕、沙律等。1樓則主要供應熱食。餐廳以自助形式，埋單後取食物。菜式琳瑯滿目，單是甜品已經有超過30款。紅莓千層酥賣相吸引，酥皮香脆，中間夾着香滑富奶味的吉士醬，襯上酸甜的紅莓，口感富層次。排隊點食物的時候，有客人捧著香噴噴的鬆餅經過，吸引我都點了一份。熱辣辣的鬆餅外脆內鬆，蘸滿厚厚的忌廉醬及果醬是王道吧！紅莓混合青檸，酸中帶甜，十分醒胃消滯。小結：餐廳環境舒適，而且食物款式多元化，更重要的是價錢親民。