Gusto - Taste Italian (已結業)

呢間餐廳好顯眼，去親尖東都經過，睇外表好似係食比較傳統嘅意大利菜。今次好晏先嚟食飯，所以餐廳人唔多，座位仲幾闊落。招牌海鮮拼盤 $288有小龍蝦，青口，蜆，螺，蝦，帶子同我最鍾意食嘅生蠔；青口，蝦同螺都好肥美， 生蠔唔算好大隻，不過好新鮮好有海水味😋😋呢個價錢有齊咁多款海鮮幾超值💯紐西蘭羊肉丸串燒 $178呢個賣相好靚，之前怕羊肉好羶，但又唔係喎，可能已經去除d脂肪，羊肉煮得好嫩，沙律菜好新鮮，個沙律醋仲甜甜哋好夾好好味👍黑松露蘑菇芝士燴意大利飯 $188呢個飯我好鍾意，因為啲飯軟硬度啱啱好，仲勁多蘑菇，黑松露味又好重，呢個好高質，讃👍呢個價錢咁嘅環境同食物質素，喺尖沙咀都算唔錯。

每逢行經尖東站出口都會被「Gusto」吸引想入內 Chill 吓！今晚剛好相約朋友，一於來試試這間有意大利菜式和美酒的食店。睇睇餐牌食物種類都好多，頭盤、小食、主食、薄餅和甜品款款吸引。有酒精無酒精的飲品都好多選擇。我們很快便點好菜式，店員亦馬上送上香脆麵包、橄欖油和陳醋給我們。Asahi接著啤酒先來，冰涼又清爽，麥味濃郁，一邊飲一邊傾，暢快！皇帝蟹肉他他配日式蛋黃醬這款頭盤的牛油果粒幼滑，皇帝蟹肉鮮甜多汁，配上日式蛋黃醬，口感一流，味道調和。紐西蘭羊肉丸串燒羊肉丸和蔬菜配料併成一串，吊掛在架上，賣相十分吸引。羊肉丸燒到香噴噴沒半點羊騷味，紫洋葱、燈籠椒和青瓜亦燒得剛好，配埋燒汁一起食，真係好夾。原隻波士頓龍蝦燴意大利飯上檯時賣相已十分吸引，大大隻波士頓龍蝦排在金黃色的燉飯上，真係急不及待要起動，先嚐一下龍蝦鉗，食店十分細心已將龍蝦殼輕輕 敲碎，我輕易便取到龍蝦肉來品嚐，口感爽口彈牙，味道鮮道十足又多汁，配埋軟硬適中味道香濃的意大利燉飯一趬食，真係妙極。今日聚餐十分享受，有美食美酒，坐位又舒適，氣氛亦很好，我已相約好朋友在世界杯期間再來聚聚。