Pop Street (已結業)

朋友推介小店…必食薯條所以叫左紐西蘭鱈魚柳漢堡配薯條試試🍟薯條份量足❤️新鮮炸起, 夠熱夠脆~🐟鱈魚柳都一樣,外層香脆, 內裡嫩滑,幾正, 😋😋仲有D椰菜絲, 蘿蔔絲同芝士, 加埋即刻豐富左🤤🤤🤤個包正常, 唔乾身~🍔可以再encore~~👍🏻

隨住西港島線開通，近幾年西營盤站周圍開咗唔少餐廳，cafe同bar。今日去到附近，見到Pop Street門面幾吸引，驟眼睇餐牌都幾多選擇，所以去咗嘆個lunch。Lunch有8個set，我叫咗紐西蘭鱈魚柳漢堡配薯條($58)，會送特色小食同飲品。客人比較多，所以等咗一陣先有得食，但等待係值得嘅，因為個set每部分都係落足心機泡製嘅。個漢堡好足料，冇諗過件炸鱈魚柳會咁厚，外層仲係脆卜卜，裏面嘅魚肉晶瑩剔透，好多汁。他他醬同蔬菜好清爽。薯條啱啱炸起，仲係熱辣辣嘅，非常香。特色小食仲以為會係沙律果d，點知係港式腸粉，真係估佢唔到，不過用嘅調味料有少少咸。而飲品可以揀茶啡汽水，或者是日涼茶。涼茶唔通係黑色苦苦地果種？同間餐廳一d都唔match喎。問過侍應，原來係佢地餐廳因應每日天氣，朝早就開始煲嘅涼茶。今日煲嘅類似係甘菊茶，飲落甘甜，食完炸野最啱潤喉，而家天氣咁乾燥，飲完仲可以護膚養顏。佢地仲響應環保，提供金屬飲管。其他lunch set都值得去試：日式芝麻汁手撕雞蕎麥麵，越式香茅豬肉絲法包，意式金菇忌廉汁扁麵，巴西辣肉腸黑豆飯，摩洛哥燒春雞，四川麻辣海鮮扁麵，港式叉燒飯。