Lagom Kaffe (已結業)

疫情後重開之後第一次幫襯LAGOM地方闊落 好好坐 店舖內採光好好 景觀開揚雖然係觀塘工業區 但係窗外望到啲樹 都幾舒服🍝奶油花雕燉雞意粉自己覺得一般般 意粉粗身 有少少咬口奶油味不太有 雞件大份 好有酒味但略嫌唔算太配合到 而且 價錢都好貴下🫠☕️純粹拿鐵鮮奶咖啡 轉燕麥奶冇甜味嘅一杯咖啡 唔太有感覺 如冇記錯 係需要加$20 /$48🍗台式炸雞配黃金泡菜說到尾 即係鹹蛋黃炸雞 唔算好油膩幾好味 泡菜就是普通泡菜 好似都要$98總結正常發揮 但價錢同味道唔成正比$108嘅意粉 冇嘢飲 而質素亦平平黎講 真係有啲貴 而且位置亦唔係十分便利 有點點失望

Lagom Kaffe喺牛頭角嘅假日都好受歡迎，店舖位置靠近觀塘嘅海旁，店內環境以淺木色作為主色調，帶俾人一種好慢活的感覺，加上餐廳面積廣闊，採用咗落地大玻璃令天然光可以直接穿透於店內，令整體更有生氣同貼近大自然嘅感覺🌿同時亦襯托整間公司Lagom這個意思: 不太多不太小，就是剛剛好。所以今個假期也剛好遇上他們☕️💁🏻‍♀️今次叫咗3️⃣杯咖啡2️⃣款主食☕️純粹拿鐵鮮奶咖啡💰34呢杯Latte加咗$5升級做果香味較重嘅咖啡豆，令到有個口感層次更加豐富😋第一啖會覺得好rich嘅咖啡香味，之後再有奶香味，呢款果香味嘅咖啡豆亦會慢慢從口腔中散發，品嚐整個after taste~拉花方面亦都好有水準，拉得好靚👍🏻☕️平白-小白咖啡💰34今次呢款嘅拉花圖案好岩熱飲嘅名「小白咖啡」，以小心型為主嘅圖案，睇得出店主對每件出品都好用心製造，由菜名到製成品。今次就無選用升級嘅果香味咖啡豆，但原有嘅咖啡豆就更加帶出鮮奶嘅香味～🌟黑色咖啡💰32作為一個咖啡愛好者，點小得飲出咖啡最原始嘅味道:Black Coffee🤣加$5升級的果香味咖啡豆，飲完一啖後，更強烈地係口腔中慢慢地散發出嚟呀😍而且，咖啡嘅酸度都係適中😋🍝奶油羅

旺角嘅「桔梗」，最初開檔嘅時候都打算去睇睇，但拖吓拖吓就無咗回事，依家經常都好多人排，更打消咗念頭。最近，有咖啡友話佢有家姊妹店「樂感」（Lagom Kaffe）晌牛頭角開咗，足足8,700呎大，又自設炒豆房及烘焙餅房，今日行完山就順勢過嚟嘆吓下午茶。 雖然餐廳所處嘅商廈相對比較隔涉，但估唔到都有咁多人等位，的確，晌密集嘅市區中搵個舒服嘅地方唔容易，而呢度地方大，空間感強，兩面落地大玻璃窗，加上放置咗唔少植物，以及一室木系餐枱椅，裝修簡約，卻予人感覺開揚闊落，非常舒服，所以，嚟到一定要預多啲時間，慢活享受吓。 除咗空間十足之外，餐廳環境亦有唔少值得留意嘅地方，如長長嘅咖啡製作枱，睇到咖啡師沖泡每一杯咖啡。 而入門口位置，吸引眼球嘅喺炒豆機，大大座放晌玻璃房內，可惜喺睇唔到其操作，唔知咩時間會開動部機，真喺想見識吓，未親身見過嘛。 此外，上文都提過有自家烘焙，麵包產品唔喺來貨，所以，近門口櫃枱面亦擺放咗店家嘅出品，堂食又得，睇啱買返屋企慢慢享用又得。 當然，唔少得其他咖啡嘅相關產品作零售啦。講到食物方面，唔喺得輕食，亦有唔少飽肚嘢嘅，但款式就唔會太多。全日早餐啦、三文治啦、意大利粉啦、沙