芋圓圓

营业中

休息中

芋圓控認證好好食🤤！煙韌軟熟，有天然芋圓甜味，仲要$30蚊大大兜👍！・・・・・・・・・・・・・・・・・・・・🏆 紫薯圓 ＞ 芋頭圓&地瓜圓！🥥 椰汁西米露芋圓 凍 HK$30 ・味道：0甜肥波都食到嘅椰汁底，西米正常。椰汁味咁重都冇搶過芋圓天然芋頭味，正。・口感：凍食芋圓煙韌，略嫌西米痴到一舊舊要用羮分開。💜 紫米露芋圓 熱 HK$30 ・味道：紫米出色0甜肥波都非常滿意嘅偏甜，芋圓同上，冇被紫米露搶味！・口感：熱食嘅芋圓多咗份軟熟感，咬得我好開心🥰。・・・・・・・・・・・・・・・・・・・・🤰性價比：高～🤰9衝度：9衝～🤰結論：街市價錢，台灣質素！食過兩次都一樣高質，去到物超所值嘅程度，必須衝一波💨！・・・・・・・・・・・・・・・・・・・・環境：甜品舖嚟講好闊落，雖然枱同櫈偏細，但空間感好夠。啲哥哥侍應好有禮貌🤭

食過呢間芋圓好多次，水準都好穩定，我覺得係香港最好食嘅芋圓😋😋佢糖水嘅選擇唔算好多，十幾款，不過重點都係芋圓😋今次我同朋友夜晚九點去食，竟然差唔多坐滿，果然名不虛傳。今次我哋叫左一碗仙草芋圓同紫米露芋圓，芋圓煙煙韌韌，份量足夠，我食嘅紫米露芋圓糖水底都唔錯，正常發揮👍🏻而家$30一碗糖水已經算好平，又足料，如果覺得好食，仲有得買芋圓返屋企自己煮。不過缺點就係凍糖水有時唔係好夠凍，不過而家冬天就冇乜所謂。

◦•●◉✿✿◉●•◦ 今次要介紹👵🏻最鐘意嘅芋圓店比大家🤤今次終於帶到👴🏻試😎 (yeah又一認証)朋友介紹咗一次之後真係翻唔到轉頭😌事關佢地嘅芋圓係好煙韌～Q彈～同埋有真•芋頭味🤤全部芋圓都係人手製☺️撈埋碗紫米露一齊食真係覺得好幸福😆重點係～無論熱定凍嘅芋圓都係咁好味之前試過有啲糖水舖凍嘅芋圓就會好硬🥲但佢哋嘅芋圓真係唔會失望呢間應該係👵🏻暫時香港食過覺得最好味嘅芋圓店😆 每次有機會去食都唔會放過🤣大推大家有機會試試💛😋: 𝟠.𝟝/𝟙𝟘

同朋友食完飯，搵個地方食糖水。朋友搵咗呢一間舖頭，喺太子嗰度行咗一條半嘅街先去到。一去到門口排咗好多人，本身諗住唔食嘅，咁但係見一場嚟到就試吓啦，好彩我哋兩個人，前面排等位嘅有啲就三個，有啲就六個。非常好彩我哋嚟到等咗5分鐘就有兩個人位。呢度就真係好多嘢都只有芋圓既糖水，冇其他中式或者非芋圓嘅糖水，但係你可以走芋圓既。因為我見隔離枱就係唔食芋圓所以走咗，我就揀咗紫米露芋圓，我朋友就揀咗腐竹糖水芋圓，但係要出去收銀位買咗比晒錢之後先，之後佢哋就會送嚟。嘢食一嚟到，第一時間試過芋圓，我覺得幾好食，因為都算係大粒嘅，大概有五毫子咁大左右。口感就覺得好”煙銀”，唔似出邊有啲一pat pat 咁，所以我覺得都幾好食嘅，只係坐嘅位比較迫少少。

#中意嘅請分享請點讚🍻----------💛#黃店💛12/6, 5/8, 11/11, 13/11罷市----------🍠紫米露芋圓 $28🥥椰汁百合海底椰 $28所有芋圓手工製作，冇用糯米粉，芋圓有蕃薯、紫薯、芋頭味。所以糖水都會有三色芋圓，芋圓煙韌比較硬身。糖水味道正常，唔會過甜。因為好多人幫襯，所以有時會冇哂熱糖水，得番凍糖水，而且太多人排隊，所以唔可以食太耐。----------🔎芋圓圓🚩太子柏樹街1號地舖

又一間翻兜再翻兜既芋圓糖水舖，但其實最令我想翻兜既唔係佢既芋圓，而係佢既紫米露！今次同朋友去食，一去到以為佢無開勁失望，點知原來搬左去對面！新店闊落超多，唔洗再坐係舖頭出面！最抵讚既係佢價錢不變，係依個物價騰貴既香港真係難能可貴！$28已經係糖水包埋三色芋圓，今次加多$2試埋佢綠茶味同芝麻味，依兩隻味加埋有五粒，新口味既味道好出但就真係一般，感覺唔應該出現係芋圓度。三色芋圓就好好咬口，但味道唔夠出，但當佢凍返既時候，D味又慢慢出返黎！最值得一提係佢既紫米露，最鐘意佢唔太甜，又有埋少少西米，加埋芋頭同紫米，成件事好Match，值得大家一食再食！