餃子屋

营业中

休息中

如果要數荃灣最好食既餃子一定非餃子屋莫屬！每一日都會有好多人排隊等侯時間一定耐 甚至外賣都要等最少十五至二十分鐘，堂食坐位都迫 坐得唔舒服不過都一樣咁多人食，事關佢味道真係好好先講餃子款式多有辣有唔辣有煎有淥皮簿餡靚！煎餃外皮脆卜卜餡料味道好 令人想一食再食再力湯麵 十分完美但湯底絕對可以飲清光個湯底自家煲制好美味再加𡊰菜甫食餃子 真係100分會覺得等侍係值得 新店裝修後 地方多左 可提供坐位多左但都座無虛席 長期有人門外等侯你就知幾吸引如果住係荃灣 甚至唔係住荃灣都一定要黎試試！

今日突然好掛住「餃子屋」既淮山湯同餃子，所以一個人走左過黎食。次次到步都見到好多人排隊，今次都唔例外，不過等左7-8分鐘就到我啦，一個人果然快啲！點左紫菜煎餃同韮菜煎餃雙拼，加$7就有上海麵或米線。雖然餐牌上無講可以雙拼，但食開既顧客都知可以任拼，店員會按不同既餃計返價錢。不過雙拼只能選一種煮法，即係煎或者煮。我最後選了煎。餃子到！每粒餃子都煎得好香脆、好飽滿。韮菜餃好juicy, 咬落去有汁流出黎，唔錯唔錯而我最愛呢度既紫菜餃，一來其他地方好少見，二來真的超好食紫菜味濃，配上少少椰菜，再加少少肉，真係完美配搭！食到停唔到口⋯呢度既淮山湯又係水準之作，好有住家湯既味道。飲落好清甜，有時仲會食到小花膠添～每個顧客都會有一碟辣菜脯，幾好味架，不過最好唔好放落湯，會破壞湯既清甜，分開食就可以啦！雖然餃子屋食物一流，但服務就⋯唔可以話九流，但真係有待改善。其實禮貌啲，顧客都會食得開心啲！

傳統四拼 ($38) 每款兩隻傳統四拼有（芹菜/白菜/韭菜/椰菜）賣點：魚膠淮山煲豬骨湯底。聲稱無味精不過真係已經好濃郁！應該非常足料！食哂d 餃之後一定要飲埋湯底呀！！唔好嘥 餃子：大大粒！餡肉好香好飽滿，咸咸地。餃子皮厚度適中唔會有好粉既感覺紫菜煎餃好好味！！幾創新，估唔到又幾夾喎！！令到餃子好香賣相係爭少少，不過味道真係好吸引！美味香口推介後記：星期六下午去到，勁勁多人排隊等左起碼半個鍾。之後入座又亂...竟然有重覆枱號... 服務態度亦一般