享樂烘焙

营业中

休息中

由於友人唔係好鍾意食麵包類嘅食物 所以即使呢間享樂烘焙咁出名 想試咗好耐 次次嚟到九龍灣 總係冇機會試吓🥲 食咗其他野🙂 講咗好耐 終於佢見到咁多人揀緊麵包就入嚟試吓😅 佢話想發掘吓點解咁出名喎 今次我哋就先試出名嘅Bagel紫菜香蒜芝士肉鬆貝果通常啲人鍾意食bagel係因為佢比較低脂同埋比較低糖 所以相對佢冇麵包鬆軟😮 不過佢煙煙韌韌嘅口感幾特別 一打開個膠袋好香紫菜味 不過咬落口可能係因為台灣直送嘅肉鬆同埋蒜香好重 食唔出紫菜味🫢 呢個鹹嘅bagel真係唔錯 餡料唔會多到食唔到bagel嘅麥味 由於冇落雞蛋 所以冇乜蛋香係正常嘅🥯終於明點解呢間bagel呼聲咁高喇😛 因爲真係打破咗我舊有對bagel嘅印象🥰 由於喺街度食 想俾大家睇埋啲餡料 所以搣開一半🫢 破壞咗佢個靚樣添😺

紫菜香蒜芝士肉鬆貝果 $20呢個係呢間麵包店嘅少數咸味bagel。除咗小小嘅接駁位，成個bagel係充滿大量cream cheese同埋肉鬆餡料。雖然係有紫菜同埋香蒜，但蒜味淡，怕蒜味嘅朋友都可以放心食。bagel口感煙韌，飽肚感強烈。我係「享樂烘焙」嘅fans，鍾情佢哋bagel同埋吐司系列。20蚊內食到高質素bagel真心抵！最愛哋嘅朱古力紅莓bagel同埋伯爵茶黑糖麻糬bagel。除咗bagel同埋吐司系列，佢哋嘅冰包都好好味㗎！不過冰包係夏天嘅限定產品，要買趁手啦！