盈福28 (已結業)

銅鑼灣開左新式點心餐廳，咁岩做緊8折優惠，就同同事去食喇💜▼粉紅玫瑰($29/1件)🌸 想起了美女與野獸，玫瑰包用了紅菜頭汁整，所以呈現美美既粉紅色，有淡淡既玫瑰花香🌹 冇睇清楚個餐牌，原先我以為佢只係一個玫瑰色饅頭，原來入面係紅豆蓉！喜愛吃甜的，仲可以沾上煉奶食~▼竹炭芝士汪星人($29/1件) 很可愛既汪星人，黑白相襯，影左好多張相先捨得mip開佢 黑色既麵包用左竹炭粉，而餡料就係芝士，腸仔粒同雞肉粒，幾好！▼農場點心($118)可以揀2款蒸點同2款包點 ▼南瓜糯米燒賣(2件)左上 南瓜仔既造型，食落似迷你糯米包多過似燒賣><▼脆皮啤梨(2件)右上 好似咸水角，外層用了綠茶粉，入面係火腿，芝士，口感脆口煙靭，食落外甜內咸，ummm呢款點心不是我的口味>_<▼🐱紫薯喵星人(1件) 用左紫薯做餡料，不會過甜，味道天然 ▼🐷叉燒小豬嘜(1件) 係小豬造型既叉燒包，外層比較厚呀>_<小菜方面就叫左2樣野:▼玉桂香鴿($38) 佢地d小菜都幾吸引，我就揀左乳鴿喇。細心既餐廳已經幫我地預備好手套，食乳鴿呢D野

銅鑼灣廣場二期5樓新開了一間食肆，主打摩登中菜、創意點心，又是以相機先食為吸睛技倆。今午特意到此一試，論賣相以「紫薯喵星人」最萌，味道和造型俱佳的有「猛虎咬一口」(這是刈包+豬腩肉，包上印有QQ的虎爪)，「玉桂香鴿」最扺食，每隻只需$38⋯，今天我們只有兩個人，還有很多特色菜未試，下次再來😋😋

上星期先嚐過啲卡哇兒嘅點心, 呢個星期我倆又嚟喇~尋找來自喵喵星的它!  無意中係免費報中見到個廣告, 話紫薯喵星人已經登陸銅鑼灣, 唔止...仲有巧多巧打耳嘅點心添! 身為點心控嘅我倆一於去朝聖吓先, 喵喵 ~ 即刻剪低廣告嘅50蚊coupon, 消費滿200蚊(唔包括加一)就可以用啦!是日我倆11點9左右到達〈盈福28〉, 人客都几多吓, 要等等添! 雖然有部自助等位飛仔機, 不過年輕女接待員仍然細心咁攞埋飛仔畀我哋架!新派中菜館襯番新式嘅裝修, 向傳統格局say no!等咗一陣, 有卡位坐了,  侍應生隨之端來一壼玄米茶, 有淡淡的綠茶香。開始尋找喵星人嘞...1. 紫薯喵星人 : 近期紫薯當令,  造型仲用上喵星人, 好鬼cutie!  可惜內餡嘅紫薯份量唔多, 未如想像般湧出。不過諗深一層都好嘅,唔會太甜膩吖嘛!2. 奶黃蜜語: 包上印有“叻叻豬“潮語, 抵死過隱! 輕輕咬一口, 奶黃大量流出, 但質感似乎稀咗少少呢!3. 馬薯鳳尾:  蝦球大大隻, 非常爽口彈牙, 入口仲有沙律醬及脆脆條,  口感豐富, yummy yummy! 最呢碟點心最, 價錢亦不菲!4. 紫薯流星:

朋友之前在IG看到的骰精緻點心，一早已鎖定來食，今天放假一於陪她去食～佔據整層，故此環境寬敞坐得亦都舒適！侍應主動性強，會常常添茶～食物種類選擇不少！不過晚上柚子蝦餃、蕃茄蛋蝦餃及脆皮啤梨會暫停供應！玉桂乳鴿 - size適中，送上時已貼心地切開兩邊方便進食。食落皮薄而香脆，肉質嫩滑入味～明知是邪惡高脂肪的食物，都一概拋諸腦後！奶黃蜜語 - 包的表面印上叻叻豬，很可愛！另外還有兩款圖案選擇，啅頭十足～奶黃包頗鬆軟有奶香，咬一啖後流心雖未算很澎湃，不過熱熱地食味道也不錯～紫薯喵星人 - 喵喵造型實在太可愛，加上我是紫薯控，完全想不到不叫的理由～包身食落鬆軟，內裡的紫薯蓉略淡，如果增添番些微甜味會更好～雞柳伊麵 - 雞柳肉質爽而嫩，切成一條條份量亦算多～伊麵質感柔韌不易斷，配上撈勻的醬汁更見惹味～

見FB廣告d點心幾得意,仲開正我鍾意紫薯呢瓣,就去試下.     上到去唔駛等位幾正, 同埋原來係新餐廳.地方夠大,藍白色配搭埋音樂餐廳幾有地中海feel,重點係唔會同隔離枱癡得太埋整體黎講,所有食物味道岩岩好,味道唔會偏向一邊,會再返轉頭幫襯試埋其他野,因為晚市無得食柚子蝦餃至於服務方面唔錯,侍應都會主動介紹食既次序,有邊D係佢地主打菜,又會主動幫我地加茶,介紹菜式,問食物味道等等.但有樣麻麻,有個男侍應行過幾次都見唔到需要加茶(佢仲要同我有眼神接觸.....); 有個女侍應叫我地唔好放茶壺過隔離枱, 因為張枱係乾淨=.=原先係因為太多野食,唔夠位放,另一位侍應提議將個壺放過隔離枱.   可能新開張,服務有待改善講食物啦喝~~包菜鴨卷-岩做前菜,梅味醬汁,少少酸味夠開胃,淡淡鴨味唔會搶晒d味道.玉桂香鴿-完全唔駛其他調味料就咁食已經好好食,外脆,內裡又滑又juice(極力推介)沙薑豬手-味錯唔錯,夠爽口猛虎咬豬&雞-猛虎咬雞~夠滑,醬汁唔會過多搞到成手都係汁.                              猛虎咬豬~一個字"正",五花腩做餡完全唔覺油,因為有甜梅菜同茄汁中