輕時光

营业中

休息中

天氣開始轉涼 呢排周圍去買黑糖珍珠鮮奶都唔使排隊 好開心 不過屋企樓下上個月新開左呢間 聽講係自家品牌嘅飲品舖 佢有一款紫薯牛奶好好飲 可以選擇熱飲 所以買咗杯黎試吓 佢嘅紫薯真係用紫薯煮嘅 有別一般飲品店用紫薯粉沖 所以一路飲嘅時候會有好多紫薯可以食到 好欣賞佢將個溫度整熱得啱啱好 一買可以即刻飲 暖笠笠 之前試過喺出邊嘅飲品店買熱飲 熱到個杯攞都攞唔到 佢呢度就好窩心仲送埋個紙套 佢整飲品嘅時候原來係冇落到糖 但係飲落去都會好夠甜味 啱晒我呢啲唔鍾意太甜嘅人

我都係第一次寫食評咋鋪頭姐姐靚靚又好人好人呀所以我決定返去寫食評 我學校喺附近，最近見到好多同學upload上IG🤨 杯抹茶Oreo 牛奶🍵好靚所以放學就去試吓啦 去到見到鋪頭好靚呀！真係超級靚的 我去到就企左係度睇吓有乜飲！樣樣都好吸引唔知有乜嘢好😌姐姐好親切介紹，佢問我想飲熱飲定凍飲，我就話肚仔有啲痛想飲熱野😅 想飲抹茶Oreo😋😋😋 佢同我講女仔肚痛就唔好飲抹茶啦叫我飲紫薯牛奶😊 姐姐好體貼❤️攞到杯紫薯牛奶之後真係超好飲呀佢話啲紫薯係佢自己整架！仲叫我下次試吓芋頭添，佢話都係自己煮喎😍不過我下次都係想是抹茶oreo🤪🤪🤪

第一次喺OpenRice寫食評 因為遇到一間真係好值得寫嘅小餐廳 餐廳位於天后電氣道旁邊 一個本來頗不起眼嘅角落 但這間小餐廳門外放滿了清除的綠色植物好搶眼 因為朋友試過話好飲拉咗我過去 佢上次係飲乳酪蓋茶嘅 本來我都想試佢嗰組不過去到之後店員推銷我飲牛奶系列 所以叫咗個紫薯牛奶店員話紫薯係每朝新鮮製造 唔係紫薯粉 睇落去外表平平無奇 一飲落去不得了 比起平時飲嘅黑糖珍珠更香 啲紫薯味道晒落牛奶度 飲咗一啖就停唔到 牛奶應該係用同一種日本牌子牛奶 而食評非寫不可嘅原因係店員真係好好禮貌 好用心介紹我呀飲品同埋講解佢哋製作嘅過程 我覺得作為一間飲品店有呢個服務係超左班 啲飲品質素都相當高 比得上大品牌

嗱，依家周圍都興飲黑糖珍珠奶茶，我就唔會買黎飲果啲黎既，但我女朋友又係為之瘋狂，我自己就中意飲奶昔，依家開親都係黑糖珍珠奶茶，好得人驚！行街見到呢到新開左間野飲店，喂！唔係黑糖珍珠奶茶啦，飲smoothie，TRYTRY佢店舖都唔算細間，比起果啲乜乜堂得丁屎咁大，呢間都真係好大間，仲有影相打卡位。飲品選擇主打smoothie，都有milkshake同埋茶類，唔洗問我梗係會揀smoothie芒果火龍果優格奶昔 $36有做漸變色效果，都係用4.3明治牛奶，奶味好濃郁，飲落好重奶味，其實芒果味同火龍果都冇乜，優格就飲到少少，仲有啲生果粒，一問之下原來係蘋果粒，不過以smoothie 黎講就真係稀左啲，可能可以加多啲生果或者yogurt令口感更濃稠。紫薯時光 $28都係用4.3明治牛奶，女朋友好中意呢杯，唔係太甜，成杯都加左紫薯蓉blend成，都真係啖啖有濃郁紫薯味，個底仲有少少紫薯肉咬下，兩杯中，呢杯會出色啲。因為係全部用新鮮生果打，又用明治牛奶，價錢都係$30-$40左右，香港周圍飲杯野都要咁既價，其實都唔平，間唔中飲下ok 既，但自己係屋企打奶昔仲正。

前排行過天后發現有一間飲品店裝修得勁靚，完全吸引左，決定要睇下賣乜睇下個menu先知原來係賣水果飲品，今次真係要試下d健康既新野先！紫薯時光 ($28)呢杯係店主推介既，所以都試下飲落紫薯味都幾重，幾突出！而且佢係有紫薯蓉架，所以每飲一啖都食到紫薯飲到最尾仲有d泡，好好味抹茶OREO時光 ($28)呢杯抹茶OREO好正呀抹茶味同奶味balance得岩岩好，但抹茶味好夠濃加上佢有OREO碎，好夾芒果優格果昔 ($32)平時飲smoothie最驚係唔夠味，又或者yogurt味太重呢杯既芒果同yogurt都好出色，飲落唔會好濟！加上呢杯野只係加左好少既桂花糖，所以真係超級健康呀呢間店確實正！又有位比你影下相，正呀