半糖主義 (已易手) 新餐厅

半年容易又開sem，呢日開sem第一日，梗係要搵下好野食嚟調劑一下空虛的心☠️放學之後就落堅尼地城行吓，無意中見到呢間半糖主義，仲話學生有九折添，就入左去喇。呢間甜品舖主打用稀少糖整嘅甜品。呢隻糖嘅味道同平時嘅糖冇咩分別，但就冇咁高卡路里。又有一個原因比自己食多啲甜品喇🙊而且其實稀少糖嘅價格比平時嘅糖貴，所以呢度甜品嘅價錢同其他甜品舖嘅差唔多，其實係好抵！有打卡位！三個人叫咗三樣野～奧利奧芝士蛋糕奶味雪冰（細）（$43）雪冰我地叫左細嘅，但都已經好大～夠2-3人食。大嘅話夠3-4人食。好多好多oreo碎，正！餐廳仲好貼心咁下面比隻碟，等啲碎唔洗跌到周圍都係～除左冰之外，仲有芝士蛋糕～正正正食到底先知有紅豆🙈 早啲知嘅話可以同埋啲冰一齊食！紫薯窩夫（$67）呢個都啱2-3人share～有紫薯味，唔算濃，因為只係sum啲紫薯粉喺面。配咗雲呢拿味雪糕。窩夫好重蛋香味 不過好似有啲太淋～如果外層係脆啲嘅話會更加正原味梳乎厘班戟（$65）三塊班戟配上雲呢拿雪糕～略嫌唔夠空氣感，咁樣食落會比較硬，飽足感會較高～去洗手間嘅時候經過蛋糕櫃，入面嘅蛋糕都相當吸引！半糖主義嘅位置同地鐵站唔算好遠，但唔係好顯

今日同朋友出去食完晚飯，想去食個甜品，就喺附近見到呢一間糖水舖。呢一度標榜嘅係半糖/少甜，好適合現時香港人既愛健康又愛甜品嘅要求☺️見到Menu都有唔少嘅選擇，可惜梳乎厘pancake要下午先有😔由於之前嗰餐晚飯唔係太飽，所以我哋都叫咗好幾樣甜品食，分別有楊枝甘露、鮮果西米露、紫薯窩夫，亦都叫咗兩個飲品，包括特濃朱古力同埋石榴梳打。🔸楊枝甘露🔸一”不”就見到有好多西柚，入口好香芒果味🔸鮮果西米露🔸好香椰汁味，同時都好多西米，同楊枝甘露嘅質感一樣咁”杰”，呢兩碗甜品夠晒足料，唔似得出面求其嘅糖水店好似溝水咁稀！🔸 紫薯窩夫🔸睇個賣相已經覺得好吸引，窩夫入口外脆內軟，仲夾雜左啲紫薯蓉。窩夫本身唔會太甜，而佢嘅cream都唔係好甜，所以佢嘅甜味就來自好香嘅雲呢拿雪糕，同埋香甜嘅紫薯蓉，咁樣就更加突顯左紫薯嘅香味！好味道！🔸Ocoa 70%特濃朱古力 🔸一見到杯朱古力咁多cream，就擔心會好肥好甜，點知入到口其實d cream係好Rich，而唔係勁甜，加上70%嘅朱古力，成杯朱古力感覺係好濃厚🤤對於我呢啲鍾意朱古力嘅人就覺得好滿足！加上佢嘅飲品都係用不鏽鋼飲管，呢一個環保概念幾好呀！🔸石榴梳打

前晚去左朋友家探完BB ， 因為唔係太多時黎堅尼地城呢邊，所以見到附近都開左好多新式既食肆，突然想食下d 甜野，所以就黎左呢間甜品店舖啦！裝修都幾時尚，店內有個影相位幾special! 睇完menu後，我就叫左個糖不甩同埋店員推介既紫薯窩夫。等左一陣糖不甩就上碟啦，舖滿好多花生🥜係面，佢同其他店舖用既花生唔一樣，佢的比較香脆花生，總共有6粒，佔滿花生碎食落口好煙un,好有口感！之後到招牌甜品：紫薯窩夫！個窩夫切開時夾住紫薯係裡面，內裡好鬆脆再加上突出既香濃紫薯味道，oishi! 再配埋一啖香滑既Vanilla 味既雪糕🍦，一熱一凍簡直衝擊了味蕾！爽呀！同埋佢個雪糕唔會太甜，真係符合店舖既主題：半糖主義！😊😋