廟街牛雜

营业中

休息中

今日同朋友去佐敦食飯，經過呢間廟街牛什，見到好多人排隊，心諗應該都幾好食所以就去排隊試吓牛雜有分兩個size，強烈建議如果多人來食一定要揀大碗！因為細碗個份量只係大碗嘅三分之一，大碗抵食好多！牛雜煮得好淋身，大腸好肥潤，最好食係牛肺同埋牛蒡，因為牛肺個口感呢係有少少似豬紅，食落去呢系好爽口同好彈牙，牛蒡嘅感覺就有少少似食鵝肝咁，佢嗰個秘制汁呢都係煮得好香好特別，同平時喺龍津食嗰種係唔同！佢呢一間主要係食佢嗰個鮮味和牛味！推介大家經開油麻地嚟試吓，支持下小店！

每次經過廟街牛雜都見到有人排隊，今晚食完煲仔飯就忍唔住要過只有一舖之隔既佢試埋佢😝大紅色既招牌，十分搶眼，懷舊風得黎又帶有少少型格既感覺嗌左碗細牛雜，我只係要左牛肚同肺，其他我都係唔食既哈哈🙈🙈。每碗都會有蘿蔔墊底，正。個人十分喜愛牛雜配芥末醬，除左有少少辣外，仲會令牛雜既鮮味更出！牛雜十分入味，但又唔會太淋，亦唔會靭口。另外，咸度適中，絕對唔會食完就超級口渴，值得一讚👍🏻👍🏻👍🏻