漢堡B (已結業)

位於得寶這個food court，同場有七、八間舖頭，中、西都有，最後揀咗手工漢堡坐位不多，要自己覇位，於午市搵位更難。分散等位，有位就坐咗先！即叫即做，等完位再等個包漢堡係獨立購買，可另加$15跟小食（薯條、洋蔥圈/雞塊）、飲品（罐裝汽水）或餐湯第一次幫襯，食漢堡我一定試咗經典款先，因為塊漢堡扒係每間手工漢堡店的靈魂～如果好食就可以試埋其他配搭～經典芝士漢堡就咁睇，個誘惑程度屬一般，漢堡扒好厚身，睇外表覺得乾同濃。睇睇入面～有肉汁，但唔係多到流嗰隻，咬落去黑椒味蓋過肉味，一邊咀嚼感覺到一粒粒肉碎分明，仲有啲筋，我稱佢為黑椒牛筋丸漢堡其他配菜有沙律菜、蕃茄及洋蔥，新鮮～可能個黑椒味重，芝士味都唔夠佢搶～洋蔥圈需另加$15，香脆，不俗～另外罐裝汽水不只有常見的可樂七喜橙汁，有日本密瓜、提子汽水～#漢堡未能俘虜我的心#黑椒牛筋丸分子料理#暫時都係覺得深水埗嗰間最誘惑

好早就知道蕭正楠開左間burger店，上網睇過價錢實惠又幾吸引，咁啱經過，當然試試佢通常第一次食都係試最basic果款無錯啦！就係經典牛肉芝士堡佢聲稱牛肉有成150g，係真係假我就唔知啦，但拎上手都幾重手，都足料既！漢堡包包皮好軟熟，食落有少少奶香，應該就冇特別烘過，現成既麵包直接夾上去既，雖然無驚喜，但都ok，可以接受。牛肉食落先知真係厚，可惜我影相技術太差，影唔到雖然係牛肉碎整成既漢堡肉，但食落有牛味。漢堡肉咬落去結實唔鬆散，亦唔會乾爭爭，食落尚算juicy，同埋值得一讚係唔會過油，食完一大塊肉都唔會有油膩感漢堡入面配料都好多，有蕃茄、洋蔥、沙律菜，加埋酸酸甜甜沙律醬既中和，令成個漢堡變得清爽、唔油膩，食完冇飽滯感，但滿足感就爆分！不過好笑既係，我食緊果陣完全唔知個漢堡係有芝士既存在嫁！完全無芝士味。哩到扣左啲分買漢堡加$15就有小食同飲品，但食完我心諗，早知慳返哩$15炸雞塊啲肉淋既，嚴格黎講，唔係肉黎，係漿狀物體伏！可能薯條會好食啲紙杯裝住既係蕃茄湯(聲稱)，飲左一啖，哇咩黎！加水既，同冇蕃茄味下次有機會再試其他漢堡既話，我都會慳返哩$15漢堡足料，味道未至於有驚喜，但哩個價錢