Aussie Grill By Outback (已結業)

咁平當然係因為下午茶啦，但份量絕對係其他餐廳嘅午餐水平，絕無縮水。除咗無伙計招呼，食物素質非法接近Outback，同樣令我滿意。經典美國牛肉芝士漢堡- 除咗正常漢堡扒同麵包好食，煙肉鹹香同接近半溶嘅芝士令到錦上添花。燒肉醬味豬肋骨- 滿分，醬好味夠味、份量足、肉味足、肉質夠。薯條/沙律- 滿意(薯條好少少)飲品- 凍熱茶及汽水任添任飲"服務"3分因為呢間係Food Court形式，無服務可言，但換來飲品無限添飲，$78無限時嘆下午茶，可算是中環少有的綠洲。

噚日 (10-7-2021 Sat)趁好天,同老公去西營盤打咭前食個晏,之前電視介紹過呢間,我哋就嚟試吓啦.嚟到睇完menu後,就決定要:1. $88.00嘅經典美國牛肉芝士漢堡配手工薯片,要凍檸茶($18.00)手工薯片厚身,唔蘸醬食都已經好濃味,有啲就脆有啲腍晒;白色嘅醬酸酸地,係乳酪,但超鹹,好唔掂.蘸茄汁就夾味道: 0.5分經典美國牛肉芝士漢堡,漢堡口感鬆軟同juicy,個包甜甜地,正常冇問題.味道: 4分凍檸茶我冇加糖漿,味道唔太濃.味道: 2.5分 2.$118.00嘅狂野脆洋蔥植物肉漢堡配烤蔬菜,要凍咖啡($28.00)烤蔬菜全部口感都腍.味道: 3分狂野脆洋蔥植物肉漢堡啲配菜係好鹹.味道: 2分服務:買完後就拎個感應器返埋位等送餐,送到差唔多齊只欠凍檸茶時,店員就將個感應器收走,我就拎將單走出去同佢講我杯凍檸茶未到,佢指住去收銀嗰邊,用英文叫我去嗰喥攞.凍檸茶要自己攞?重要去收銀嗰邊而唔係出餐嗰邊咁奇特?正當我徬徬徨徨之際,疑似女店長嘅走嚟同我講,話佢拎俾我.我心諗,佢知我坐邊張枱?不過佢都跟手即刻拎俾我.其他:呢喥有部出泡洗手機,唔錯,客人唔使去廁所洗手.