Mee...lemongrass (已結業)

去完工展方便之選，6點半等左一陣就可以入座。 之後見輪候的人很多。馬來海鮮炒粉絲 $72蝦和鮮魷好新鮮，味道方面唔算好馬來西亞feel囉 ，如果辣啲啲就更加好。緬甸咖喱牛腩 $78呢個咖哩牛腩，真係抵讚，先講份量真係幾大兜，入面嘅牛腩切得大大舊舊 ，唔會碎碎濕濕 ，牛腩煮得好稔滑，仲有幾舊牛筋，同様稔滑入味。 反而薯仔可能用左新薯係爽既，d方面扣分。 咖哩汁方面好香濃。油鬆餅(免費)用油鬆餅點咖喱汁是常識吧，我有贈卷所以免費的。薯仔薄餅 $28因為好奇，所以好想試下，餅皮入面係有咖喱味的薯蓉，好食，2人食唔唒，結果要打包回家。泰國豆奶紫米冰 $38雖然插樽仔入杯d家野我不太欣賞，但放上檯係幾靚仔，隔鄰有兩台客都問我地係乜野黎。 待應亦好貼心提示我地杯野要移動位置一定要力按上面的膠圈，否則個樽會跌。 d杯唔係我飮，唔知乜味。泰國豆奶紅豆冰 $38紅豆冰多豆，多奶，夠甜，夠凍，夠大杯，講完。整體滿意，有加一服務，贈卷減左10元。

🎐熊妹超級幸運地今日被call off，終於踩左五日可以抖下，熊大提議連埋熊爸熊媽一家四口👨‍👩‍👧‍👦出街食，熊妹就負責揾好西。📍《Mee...lemongrass》係馬來喇沙。海南雞飯專門店。熊妹打過電話過去📞，無得訂位，唯有早啲去排隊🚶🏻‍♂️🚶‍♀️🏃🏻‍♂️🏃🏽‍♀️，因為每次經過皇室堡🕌時時刻刻都見有好多人。📍熊妹晚上8點15分到，唸住散左個晚飯熱潮，依然係全場爆🈵，仲有好多人圍住門口等叫籌，熊妹都拿拿聲㩒返張電腦飛🖨等位先。📍8點半🕣好多人交枱，岩岩好熊家到埋，可以開飯！🍚📍成日同熊大食西餐🍽，同埋熊爸媽就緊係食特別小小的菜式喇。Mee...小食拼盤，$168📍多人食飯，叫小食拼盤🍱緊係最好不過喇，可以試多少少唔同款式小食。蝦餅，春卷，無骨鳳爪各二切半有四件，雞翼同串燒就各有兩件，仲跟上泰式辣醬同沙爹花生醬。蝦餅🍤都幾大件，幾彈牙，炸粉唔多，點必點泰式辣醬。春卷🌯皮唔厚，饀有粉絲，雜菜，肉碎，材料豐富，沾少少泰式辣醬已經好滋味。無骨鳳爪本身已經有醃製調味，酸酸甜甜好開胃，去哂骨，一啖食落口，非常爽口。雞翼🐥得兩件，熊妹當然留返俾熊爸媽食。睇落係炸雞翼，幾惹味。沙爹🍢得兩串，一串牛

過年喇～ 維園年宵開咗，而聽日又係情人節。同老公打算去行年宵之餘，順便提早慶祝埋情人節。行年宵之前，去搵食先。沿路見有個叔叔派緊傳單。接過傳單，Mee…lemongrass 有 $10 coupon，本住C奶心態，梗係唔執輸啦。餐廳係地庫，落到去．．嘩．．都幾多人等位喎～　招牌無骨海南雞飯 $80個餐除咗有冬瓜湯、海南雞、油飯，仲有油菜，都幾抵喎！海南雞有6件，配有泰式辣醬同黑醬油。海南雞全部去晒骨，食起上黎啖啖肉。一咬落去，已食到雞皮嘅雞油香，雞肉好嫩滑，而且有濃郁雞味，個人比較鍾意佢地個黑醬油，食落甜甜地。油飯淡黃色，油飯粒粒分明，好有口感，但唔油膩，最正係上面加咗炸蒜，食落好香口。冬瓜湯係食海南雞飯必飲嘅湯，可中和下醬料同油飯嘅味道。緬甸咖喱牛腩 $78咖喱牛腩有3件大大件，仲有我最愛嘅牛筋同薯仔。牛腩咬落超腍，牛腩入面仲有少少油脂分佈，但絕對唔係肥膏，食落有少少油脂嘅甘香，真係好好食油鬆餅 $26有咖喱汁，梗係要叫個油鬆餅啦～　油鬆餅即叫即整熱辣辣。油鬆餅好鬆化，好香牛油味。再配埋咖哩汁食，油鬆餅吸晒濃濃嘅咖喱汁，好好食。泰國荳奶紫米冰 $38好特別嘅飲品。用上泰國嘅豆奶，味道