AnyMomentCafé

营业中

休息中

好玩又舒適 | AnyMomentCafé🎲@anymomentcafe 幾年之前同一班小學同學到訪過AnyMomentCafé，印象中食物唔錯，多board games揀🎲最最最記我嘅係店主好熱情，本身自己勁鍾意玩game，所以café啲game先會咁齊全~店主超級friendly同talkative😄仲會主動教大家玩board games，如果有唔明，隨時都可以舉手發問🙋🏻‍♀️今次我同朋友夜晚上去想靜靜哋chill吓傾計，傾到咁上下又可以玩下games🤭兩個人都有games好玩！食物水準都保持得唔錯，推薦大家一班朋友去玩board games同食party set👍🏻 Dinner Set🍽人均：$150-$200🕰時間：weekend 1900 (由於café係無限時，建議大家上去之前book定位) 🍝韓式牛肋條意粉 $139牛肋條係微辣，但就算唔食得辣嘅人都容易接受👌🏻牛筋條炆得夠淋，份量都算多😊整體覺得都好好食😋🍝羅勒海鮮螺絲粉 $139 有蝦有蜆肉，好足料👍🏻調味都做得好好，唔會話太淡🙋🏻‍♀️值得推薦！🍹水蜜核奶昔 （跟餐加$18）🧋薄荷朱古力 （跟餐加$18）奶昔好好飲🤭

餐廳有好野食，有board game玩，亦有電視睇，更有一個風趣幽默既老闆。餐廳有5張枱，食飯當日都坐滿左，所以大家去幫襯就記得打電話book枱！boardgame有好多，成個櫃都係，大家鍾意玩咩就自己去攞，不過當然唔好跌左啲食物落去啦。羅勒海鮮螺絲粉聞到好香，食落有濃郁既羅勒香草味，咸咸地，好滋味！海鮮有蜆和蝦。地中海香蒜雞柳意粉聞到好香，食落仲香，我覺得都有香草味。意粉軟硬適中，合我心意。雞肉亦嫩滑。瑞士雞翼有5隻，大大隻，瑞士汁好入味，雞肉嫩滑，整得好好味。所有食物都即叫即做，新鮮熱辣。雖然餐廳得老闆自己一個人做，由招呼，煮野食，上菜，到執枱都係得佢一個人，但佢做得好快手之餘又唔馬乎，煮出黎既野食質素高水準，對食物方向亦高要求，我非常佩服佢，好勁！

星期四晚上全場爆滿，所以朋友話黎之前預約好啲。老闆全程自己一個multi-tasking，做曬樓面廚房教game，依然保持好招呼風趣幽默，食物水準上乘。絕對唔係咩cafe預左呃人錢果種；梗係啦，教會人開既當然有良心，對自己既出品負責任，自然會有一定既質素。羅勒海鮮螺絲粉 $119離遠已聞到好香噴噴嘅蝦，每一啖螺絲粉食落都散發住清香既羅勒香草味，仲有好多蜆肉, 老闆用少鹽少油去炒，係真正既健康好味。平時我有啲怕出面既螺絲粉質素，但係呢度係岩岩好既al dente，唔會太硬又唔會太腍，好正！第日一定要encore!韓式牛肋條 $119呢度意粉特別幼, 煙煙靭靭。跟住食牛肋條，你發現無刀用？使咩呀，牛肋條咁腍，用叉同匙羹一擘就開。瑞士汁雞翼$61香港人最愛既雞翼，又香又甜又好味, 小食梗係揀呢款啦~天氣咁熱可以嗌杯芒果沙冰，而我呢啲養生派就點左熱情果茉莉花茶，微酸開胃，仲可以添飲3次，跟餐都只係+18蚊，好抵！我哋仲+20有個田園沙律，老闆極力推介自己調配既黑醋。下次想黎試下個Party set ，聽講話過一排可能會有價格變動，要快喔~

呢家小店足足開咗16年經歷時代嘅興衰由遍地Cafe 去到party room崛起真係唔簡單🥺有時香港人就係需要呢啲昔日嘅情懷同人情味腦細好好客 好熱情會推薦人玩咩board game👾仲會教埋你玩亦會教你煲湯再同你分享經歷是日靚湯(其實係腦細煲比自己飲 再分埋比在座各位)粉葛扁豆赤小豆 祛濕人人都適合😆餐牌上嘅菜式都啱食所以當我地有選擇困難嗰陣腦細好幽默咁講話真係諗唔到有咩唔好食😂佢仲有party set 都幾抵食如果成班朋友聚埋一齊玩board game食嘢 吹水都幾好蜜糖司華力腸 $61 🙆🏿‍♀️腦細話係用加拿大楓糖再加上佢嘅腸煎到脆脆哋皮 好好味😋真心推👍🏿韓式牛肋條螺絲粉 $119 🙆🏿‍♀️呢個相對地比較濃味腦細都建議食咗羅勒先 如果唔係會冚咗啲味呢碟我同小馬都好鍾意❤️啲汁好易入口 而牛肋條都夠淋🤤羅勒海鮮螺絲粉 $119 🙆🏿‍♀️海鮮主要係蝦同蜆而羅勒味好香 但相對哋比較淡味小妹覺得幾啱口味🤤其實本身啲羅勒係腦細自己種的但疫情關係 停開期間啲盆栽死晒 sad特濃朱古力特飲 +$13 💁🏿‍♀️濃郁嘅朱古力味正常發揮奇異果沙冰 +$12 🙆🏿‍♀️生果係買新鮮嘅所以打出嚟嘅味好真