Lava Java 咖啡西餐廳 (已結業)

三五知己聚腳可考慮之選，觀塘交通方便，商業樓上餐廳，好靜方便傾計慢慢嘆。點咗幾樣都好味道，值得推介大家試試啊雖是無肉意粉，菇嘅香味，意粉嘅煙韌度恰到羅宋湯不過不失 ，如果擺盤認真一啲， 先可以達到色香味俱全芝士味濃，扁意粉同 煙肉 好啱我口味餐牌主要係輕食/清新沙律/意粉。 飽肚飯味道唔突出，但可以試吓喜歡fish & chips 嘅，一定要order, 當正餐食好味飽肚，一個女孩子食唔晒我最鍾意食嘅鬆餅~好滿足。都係個句，擺盤應該認真啲。咁樣我至會俾高啲分。最失望~ 唔應該自稱coffee見house coffee由餐廳自選，起碼ok掛，可能我當咗house wine 咁諗錯咗啦。綜合嚟講，好味令人滿意嘅多啲，大家可以試下。環境都攞到分，周六lunch唔full，性價比食&傾計都舒服

好像很久沒有試過接Nosir放工，今晚接放工順便在觀塘找東西吃，現在觀塘超多美食進分佈在工業區的不同角落，所以要食盡所有美食相信都要花一年半戴的時間，位於人流超多的王子大廈裡，有一間Lava Java咖啡西餐廳推出了Cheese及Chocolate Fondue，作為朱古力控的我當然不放過，於是就跟Nosir入場品嚐我們的第一次Chocolate Fondue⋯餐廳裝潢優雅舒適，而且餐廳面積大，座位與座位間有足夠距離感⋯餐牌選擇多，當然我們今天的重點放在朱古力火鍋上，所以我們只點了一分Dinner Set⋯餐包是芝麻包啊⋯餐湯選了羅宋湯，味道非常濃郁，辣辣地好開胃，而且湯料豐富⋯特式芝士牛肉漢堡配薯條，牛肉漢堡約五成熟，軟腍多肉汁，而且是100%牛肉，味道帶有點清新，不像外間美式餐廳般又咸又膩﹗咖啡也很香濃，口感細滑⋯豬肉雞肉沙爹串有6串，表面燒得很香，沙爹汁有點稀，但整體混合卻是完美的配撘，肉質軟滑多肉汁，值得推介﹗主角朱古力火鍋登場了﹗朱古力火鍋的配撘當然是以甜點為主啦﹗包括有：窩夫粒、雲呢拿雪糕泡芙、一口藍莓芝士蛋糕、馬卡龍及鮮雜果朱古力真是一種神奇的食材，因為跟大部份食物都可以

同朋友係觀塘食飯，平時都係APM食算，今日俾朋友帶到工業區個邊食野，估唔到又唔錯Wor。呢間Cafe環境係幾日系簡約，感覺都幾舒服。我地叫左兩個Dinner set, 跟餐前菜有羅宋湯同埋一口法式田螺酥盒，先講羅宋湯，我幾鍾意呢個羅宋湯幾清，唔會有層油係上面，至於一口法式田螺酥盒都幾有特色，酥皮好酥脆，入面既田螺都幾大粒配埋芝士好香。 法式燒春雞 $206呢個絕對係驚喜之作，燒春雞既皮好薄脆，唔會有層油脂係上面，而且好香，而雞肉亦比想像中嫩滑，配菜係烤雜菜，一樣出色，真係幾正。安格斯肉眼扒  $268呢個扒我地要左5成熟，不過其實佢都6成熟架喇，好彩牛扒肉質都唔會好鞋，同埋都有肉汁，整體黎講不過不失。 餐飲朋友加錢要左Matcha Latte, 有個好可愛既青蛙係入面，係幾有心思既，同埋抹茶味都真係幾濃。

爸媽從日本旅遊回港不久便輪到我又向日本出發, 故近排大家坐埋一起吃飯的時間也很少, 真的覺得自己有點不孝, 所以回港不久便馬上帶老爸吃他最喜歡的羊肉。一向都幾鍾意潛入工業大廈覓食, 但原來已有一段時間沒有走進這些地方, 的確很期待。一出升降機門轉個小彎便找到餐廳, 它比我之前所到訪過的工業大廈餐店光猛很多, 淺啡木地板和木傢俱配白色牆身, 還擺放了不少植物作為裝飾, 令人感覺很舒服明亮。分兩個用膳區, 近門口設有約五張四人枱, 一行吧枱, 旁邊放了甜品凍櫃; 再走入一點, 預設多張四至六人枱, 還有一排長沙發的四人枱, 枱與枱之間隔離甚多, 既不會騷擾到別人, 亦沒有壓迫感, 坐得舒適自在。安坐後便馬上細閱餐牌, 分飲品和食物兩份。食物餐牌附有的圖片不多, 但分門別類編寫, 相當清晰, 包括有自選沙律、湯類、小食、漢堡/三文治、意大利粉、飯類、主菜和甜品, 還可升級至套餐, 有指定的頭盤、湯、沙律和甜品配搭, 加$25可在當中選一款、$45有兩款、$65可選三款, 想再豐富一點便加$85要齊四款, 而升級套餐還附送咖啡或茶一杯, 還可以半價優惠升級飲品。計落比逐一單點抵食得多, 一於同

今日和女友往Lava Java食dinner, 我們點了二人套餐(有軟殼蟹沙律 , 煙三文魚凱撒沙律、羅宋湯、西蘭花湯、蟹籽卡邦尼烏冬、安格斯肉眼扒黑椒汁配飯、原味芝士餅和oreo盆栽奶凍), 我們另外點了岩石奶茶和蘋果汁,軟殼蟹沙律(軟殼蟹炸得香脆,食落口感好開胃)煙三文魚凱撒沙律(煙三文魚好大塊,配上煙肉粒和面包粒, 食落香口)蟹籽卡邦尼烏冬(好足料的蟹籽,味道好香濃, 食落不膩)安格斯肉眼扒(好大件, 肉眼鮮嫩,入口即熔, 超好食)芝士餅(食落芝士餅香濃, 餅底好脆配上朱古力味道剛剛好)oreo盆栽奶凍(oreo 味道香濃, 奶凍好香滑)總結餐廳食物好食, 有水準的餐廳