羅麥記 (V City) (已結業)

星期日行街行到攰，係屯門想搵個地方休息下等下人真係好難。今日我就黎到 v-city呢間羅麥記休息下，食個下午茶。因為羅麥記係無下午茶餐既關係，所以呢度既下午茶時間係無咩人既~~正合我心意~得自己一個人就簡簡單單叫左個羅麥雞翼撈丁，其實食落佢就係普通一個瑞士雞翼撈丁黎~佢個價錢其實就偏貴，不過都勝在個雞翼夠林夠入味~個麵上黎果時又跟埋包出前一丁既麻油~而且個撈麵d 汁又夠多，所以我呢個為食妹好快就食哂成碗麵~

今日係我生日嘅大日子，女朋友安排左今日嘅節目，係午餐嘅時間，佢上網搵左呢一間羅麥記，一齊試一試。地點方面，雖然係商場入邊，但係都有啲難搵，原因係呢個商場都幾大同埋好難搵到電梯，行咗大概5分鐘，終於搵到！由外面望入去，一片暗暗嘅燈光，配搭着好懷舊嘅設計，營造出古舊嘅風格，相信係舊時嘅香港特色。懷舊嘅風格除咗係裝修彰顯到之外，餐牌亦都一樣。望落去枱墊，即刻勾起左兒時嘅回憶，因為係用康樂棋做枱墊，成個設計好有心思！睇睇餐牌，其實都有唔少嘅選擇。有多士、粉麵、焗飯，每個種類都有好多選擇！叫咗杯凍檸茶同埋熱朱古力，都係普通茶餐廳飲到嘅味道。呢個蝦多士值得推介！剛剛炸起既蝦多士，熱辣辣，外皮脆脆地，而且裏面都好足料，好有蝦既味道同埋啖啖肉，非常滿足！燴牛脷意粉牛脷煮得幾滑幾淋，最緊要冇乜渣，唔錯！但係意粉就一般，佢用粗身嘅意粉，個人覺得比較淋bat bat，唔夠爽口。羅麥雞翼撈丁用返鋪頭名來做呢道食物嘅名，理應好出名好有代表性，但有啲失望。雞翼唔夠滑，而且味道唔夠出，面亦都唔夠爽，加上價錢亦都比其他餐廳貴，絕對唔建議食呢個撈丁！美祿牛奶包幾特別嘅一個小食，完全冇諗過可以用美祿嘅粉來做呢個包嘅調味，

平安夜 放假日 : )等左好耐既聖誕假期終於黎到~~ 但竟然無諗過要食咩好..午餐就是但入左黎呢間羅麥記~其實都係比佢既裝修吸引住~ 成間都係以懷舊冰室做主題既裝修每個角落都放左款式古舊但係好新淨既擺設有懷舊風之餘又夾雜住現代商店既衛生, 所以都幾岩女仔黎坐, 哈哈呢種懷舊 ..應該對我地呢一代黎講無乜共鳴因為真係無經歷過黑白電視黑膠碟不過睇得出呢度既一桌一椅都有用心挑選過!羅麥雞翼撈丁 $55每次去到有香港特色既餐廳, 都抵抗唔住撈丁既誘惑叫左野食後唔使五分鐘就上枱 但係都夠熱辣辣~估唔到有咁大碟!! 唔怪得賣成$55...雞翼夠大隻~ 同埋好滑, 同時醃得好入味, 每啖都有豉油香公仔麵既醬汁份量都唔少, 甚至有少少太過濃味...不過係度一定唔驚食唔飽! 份量絕對比而家街外好多餐廳多好多朋友叫既避風塘軟殼蟹炒麵 $68少少辣.. 炒麵夠鑊氣, 有兩隻迷你版既軟殼蟹係面~~個人覺得個軟殼蟹唔夠"避風塘"風味, 哈哈...即係唔夠香, 脆, 咸同辣....不過軟殼蟹仲保留到有好多肉汁~~ 朋友最鐘意呢點~!因為太為食.. 我地又叫多左個小食: 芝味牛肉蔥油餅卷 $45其實聽個名都知道係芝

大少成日都話想食羅麥記，終於俾佢食到，因為……唔多人等位~~平時V City經過見到佢都好懷舊，估唔到入到去，真係好特別一坐低，店員拎咗本好似手冊嘅menu俾我地，最後我地點咗幾樣佢話係推介嘅食物黑汁墨魚鬚 - 呢個應該係甜豉油加燒汁整，甜甜地，不過個墨魚鬚就應該係就咁白烚，如果係一早炒埋，應該會比較入味，依家只係汁有味墨魚鬚無味羅麥雞翼撈丁 - 呢個好明顯係瑞士汁雞翼撈出前一丁，絕對唔會失敗，所以正常好味磚頭焗白汁芝士海鮮飯 - 呢個，我絕對唔會建議你食，除非你好鍾意食受潮感覺嘅麵包，個汁唔夠，我地最後要佢另上多碗汁俾我地，基本上同磚頭包唔夾，點都係茶本嗰啲甜嘅形式好好多紅豆冰粒粒奶茶 - 呢個奶茶對於我呢個奶茶怪嚟講，只可以話合格，不過最欣賞佢係將啲紅豆沙整成冰粒，咁就唔會因為有冰而令佢杯奶茶再比之前更淡

之前因工作關係來了這間店很多次..今次是第一次以顧客身份到訪..事前用了V city的apps先拎飛..結果到達後等了不用5分鐘就有位了..很方便呢~餐牌是按舊式小學手冊設計..餐紙則如兒時玩具康樂棋一般..因為小時候經常會玩康樂棋..所以親切感十足..而且很精美..有點不捨得將它弄污~ 我和Mr. Lee只有兩個人..只能點其中幾款..主食點了羅麥雞翼撈丁和避風塘炒麵..另外要了蝦多士作小食..飲品要了紅豆小忌廉奶茶~先來蝦多士..不算很油..炸得很香脆..蝦膠比例亦不俗..可惜我們只有兩個人..二人分五件稍稍有點膩..~我之前試過羅麥雞翼和芝士撈丁..兩者都很不錯..這個羅麥雞翼撈丁一比之下便相形見拙..沒有很突出的亮點..叫人暗暗失望~避風塘炒麵其實炒得很香口..惟我實在不嗜辣..吃得不多..驚喜的是配菜有大蝦..頗新鮮彈牙~紅豆小忌廉奶茶!!推介之選!! 忌廉香甜幼滑..紅豆口感綿密而不黏口..奶茶整體味道很配合..是必試之一~Overall: 店內有不少懷舊裝潢..等候上菜期間可以四周觀賞一下..但座位有點擠迫..不太合適久坐聊天~