塚田農場

营业中

休息中

適逢朋友生日，特意選了一間環境好的餐廳，望到維港海景景色呢~而朋友亦鍾情日本菜。所以便試試這間有特色的fusion日本菜餐廳～ 入面環境好舒服，而卡位座談亦十分闊落。入座後隨即點了招牌生啤，來自九州空運過嚟的啤酒，平時在超市亦不能買到。wow, 用冰杯上加分！啤酒飲落去不太苦，跟平時喝到的手工啤差不多~第一道上的是美人卷，分別點了鰻魚及吞拿魚口味。作為前菜，口感新鮮，像越南春卷配沙律，挺開胃的～第二道是蒜香薯條。薯條即叫即炸，特別是加上了炸蒜片，未食已聞到好香濃的蒜味，鍾意食蒜嘅朋友可以試試！燒物方面，點了炭燒藤安釀造鹽麴大蒜鹿兒島天然豚里肌肉。豬肉食得出有炭燒味，油脂感豐富。不過份量較少，大食的要多叫一份分享，哈哈~主菜方面，點了三文魚親子鹽昆布炒飯，上菜時侍應會即場加蛋完成炒飯。炒飯即製即食，更有飯焦呢！三文魚份再加上三文魚子味道剛好😋另外，更點了南蠻炸雞年糕薄餅。食落比較似墨西哥taco呢！醬汁不是一般的沙律醬，應該混合了千島醬同芥末醬，食落去味道層次比沙律更加好。

為左記念六四，出尖沙咀搵野食。野食算好食。價格偏貴而份量不多。主要食海景，裝修都很一般。侍應服務都很一般。租金決定價格的餐廳。美人鍋本身唔平，好彩連刺身一起叫有優惠。1100元有齊和牛䳅一條魚。加左個烏冬先夠飽。由於渣左車，沒有叫酒精飲品。見到佢啲啤酒好似不錯。不過唔飲得。叫左烏龍茶和咖啡。價錢反映質素。38元一杯味道就普通。地點決定價錢，食物質素中上。但一定唔會係抵食。見佢餐牌有其他小食，或主食，反而唔算太貴。佢最貴都係美人鍋。駕車人士下午六時後入車，300元消費可免六小時泊車費。

閨蜜book左呢間日式料理同我慶祝生日，一入到門口已經覺得好清靜、好舒服😌雖然已經有打電話book，但係window seat已經full曬，只可以揀table同bar枱，今次揀左table枱。入到有張卡仔寫住book枱人既名，連埋有件日本衫仔都幾得意。呢到最出名就係美人鍋，叫左$668既set餐，包左雞尾酒、前菜、鍋同甜品，另外再叫左個即切牛油果三文魚salad。上菜其實都幾快，大約十分鐘就已經有個鍋上黎，但係只有我地呢枱佢冇俾個配菜架我地睇，完全唔知道係咩樣。等個湯滾左後，侍應會黎問你落唔落雞，之後連埋配菜砌到靚靚甘，呢part做得不錯👍🏻食呢個之前同時會有兩個前菜，前菜個脆蝦卷👍🏻👍🏻👍🏻外脆內軟配埋調味真係不錯，美人卷有d失望，似係春卷包住一堆野，個汁又搶曬味。最好既係呢間餐廳冇限時，中意坐幾耐都得，我同朋友7點坐到9:20先離開，好岩傾計。美中不足係侍應態度有d差，朋友問餐既內容答得好hea, 同堆有被敷衍感覺。不過整體黎講都係不錯，好值得再食既一間餐廳👍🏻仲送會員卡可以換野食

朋友生日飯話想食日本野，尖沙咀就方便大家，扲下扲下就搵到呢間！7:30入座唔算太多人，點知之後full晒！好多人叫美人鍋但我地叫小食，款款都有心思有特色， 重可以安排上甜品有蠟燭，真不錯！加上對住海景真係食個view都開心