Season Plus (已結業)

上環這區的確有好多特色餐廳，最近發現原來上環這間season plus也是一個放工後chill住食好野，傾下計嘅好地方！這間有別於cwb分店是，環境比較寧靜，而且比較有格調。門外及店內佈置都有心思，而且食物亦超水準😍店內播著外國音樂，非常chill，還擺放了店員們的結他，幾特別～這間餐廳的蠔可以說是非常抵食，精選生蠔散叫只需$9隻，如果配一支紅白酒更可以$50食到1打！精選生蠔幾新鮮，亦頗鮮甜，絕對可以食個不停！想蠔肉鮮甜飽滿、多海水味一點的，可以點美國中碼生蠔，配酒的話$50半打～食蠔都已經好滿足😋非常值得讚的是這間餐廳的廚師廚藝非常好，尤其喜歡西班牙厚切黑毛豬鞍扒，上碟已聞到非常香，罕有地做到豬鞍扒表面脂肪香脆，肉質軟嫩烹調得剛剛好。可以食到他們的食材也相當講究。另一特別之處是，配了有薯仔皮的粗薯條😍非常難得！另外點了蟹肉香辣蒜片㰖油意粉，是比較辣和惹味的意粉，加了tobasco 和超多蒜頭的香辣味，還有超多鮮蟹肉，整得乾身，喜歡吃辣的可以一吃！這裡不但食物高質，service亦好好，下次要再來吃🦪😋

母親節全家同媽咪去食個飯慶祝下，屋企人鐘意食蠔，揀左呢間蠔好抵食既西餐廳，室內格局長方形，容納8枱，裝修簡潔有啲花吊飾，室外亦設兩枱，可以帶埋心愛既寵物黎一齊坐。✨味道77分，環境75分，服務78分。.🔸Artner Zweigelt Klassik ($268)見佢紅白酒又唔貴，嗌咗支店員推介嘅紅酒，飲落都唔差，入口幾柔順。.🔸美國中碼生蠔 ($50/6pcs)原價$18/隻，只要嗌紅/白酒，即可用換購價嗌生蠔，非常經濟實惠，味道新鮮，一啲都唔腥。本身想嗌$50/12pcs精選生蠔，不過店員嗰日話呢款唔靚，所以轉左呢個。.🔸日本一口和牛粒($88)炒得幾香口，牛味幾重，咬落軟稔。.🔸意式巴馬火腿意粉($128)一意粉好掛汁，意粉個汁底係濃厚菇菌類去整。巴馬火腿唔會太鹹，味道都唔錯。.🔸秘醬醬汁焗豬肋骨($168)不過不失，唔韌，醬汁濃郁，幾入味，薯角夠香脆。.🔸威爾斯羊西冷($198)生熟到啱啱好，咬落軟嫩，半肥半瘦，食落非常香口。.🔸美國特級安格斯西冷($198)份量都幾大，中心幾稔，旁邊係有少少韌。.🔸生果茶($28)熱既，set茶具都幾特別幾型，茶味唔算好濃，入面有蘋果粒，檸檬

特登揀咗呢間新餐廳嚟慶祝女朋友生日。餐廳環境好靚，好適合約會。就算一個人坐門口位都有靚楓樹相伴，飲下酒睇下書好chill。🍴威爾斯羊仔架 $188羊肉嫩滑多汁。調味以鹽、胡椒、香草為主。伴碟除咗有沙律之外仲有大量脆薯角。🍴炸雞軟骨 $68香脆可口又唔油膩。🍴芝士焗原隻龍蝦 $168原隻龍蝦好大隻，而且仲好多肉。表面有滿滿芝士，鹹香又唔會遮咗龍蝦鮮味。🍴精選生蠔 $9/隻🍴美國生蠔 $18/隻🍴南非生蠔 $29/隻🍴法國吉拉多生蠔No 0 $39/隻佢哋嘅生蠔選擇好多，今次試咗四款。估唔到$9/隻嘅精選生蠔質素唔錯，雖然肉係細少少，但味道好鮮甜。我哋最鍾意嘅都係法國吉拉多。口感偏脆。有淡淡海水味之餘仲好鮮甜。🍋水果茶 $28紅茶加埋檸檬同埋蘋果，味道清香。🧃蘋果汁 $2811:30有好抵嘅All-day breadfast🥰