八不·壽喜燒

营业中

休息中

今日放假嚟又嚟到我最愛嘅大南街食嘢 呢一間日本壽喜燒專門店係我嘅至愛. 因為裝修乾淨簡約地方乾淨 店員服務十分周到 坐得好舒服 加上啲嘢食好精美又好食 所以都會一個月嚟一次我仲未去日本旅行所以喺香港想食下日本關西風嘅壽喜燒美國安格斯板腱壽喜鍋牛肉好大碟 先用燒汁牛油紅熱個底 然後逐塊做法牛肉咁燒之後可以點日本雞蛋食雞蛋好新鮮好靚啲牛肉好滑好入味 之後可以加湯底煮日本野菜拼盤 感覺好健康有冬菇 豆腐粉絲 南瓜 最後都追加咗個 稻庭烏冬 加埋啲湯抵食又好味又飽肚飲品點咗個日本木村靜岡哈密瓜汽水 好甜食日本嘢好夾呢一餐食得好舒服健康又好味且價錢唔貴 真係好想再嚟食嘢

呢幾年好鍾意去大南街食嘢 近地鐵站又多選擇成街地舖又有酒吧 啱曬放工去happy hour今日試下呢間新開嘅日式餐廳食嘢 係關西風嘅壽喜鍋 美國安格斯 (板腱) 壽喜鍋 原來唔係成鍋上 店員先將 牛油燒喎再用啲燒汁煮啲牛肉 之後再放落生蛋度食滑捋捋 要自己動手煮幾好玩食完牛肉之後就可以放清湯再放啲日本蔬菜入去煮蔬菜好多款式有南瓜 金菇 椰菜 洋蔥等等感覺健康清新追加咗一個稻庭烏冬 夠曬飽肚飲品試咗日本木村原宿水蜜桃汽水 降下溫呢間餐廳裝修得睇餐具精緻 感覺日本風好值得呢一試

今日一支公去左太子，午餐係呢間八不搞點。八不其實係一間日式餐廳，餐廳入面有木系裝潢，同埋有日式布簾同和風圖案既牆畫，裝修不俗。食物方面主打吉列菜式、烏冬同和牛料理，午市有定食，仲有單點，落單用QR code。特別在呢度居然有壽喜燒，仲要係似日本正宗壽喜燒個隻，而唔係只用壽喜燒湯底既火鍋就當係壽喜燒。美國安格斯板腱壽喜鍋 $148店員先幫手開爐同用牛脂塗渾個鍋，再幫手加少少壽喜燒汁，然後就叫我可以自己享用。壽喜燒汁滾起之後就可以加肉啦！美國安格斯板腱一客9大片，中間加少少黃色菊花瓣裝飾。餐牌寫一共135克，板腱有少少硬硬地，不過都好快熟。美國安格斯板腱好瘦，唔肥又較健康，唔好整太熟就得。連生鷄蛋一齊食更香滑又可降溫。個餐包野菜拼盤，有好多娃娃菜，大蔥3段，非常有菜味既皇帝菜，洋蔥一大段，豆腐兩磚，紅蘿蔔一片，冬菇一件，南瓜兩片，同吸汁之選既葛絲。野菜拼盤好豐富，我將所有剩餘壽喜燒汁倒嘥落去整菜，令d菜非常有味！如果唔鍾意重口味，可以加湯，我就無用到。追加日本雞蛋 $10壽喜鍋配雞蛋當然係常識。個餐包日本雞蛋一隻，我特別加多一隻配吸汁葛絲。八不柚子大根 $22叫左個前菜開開胃。八不柚子大根