Co-Dining Space (已結業)

放左工，都想放鬆一下，都想好好食餐好既。無意之中發現呢間♥Co-Dining Space♥，就正正合我心意啦。地點方便好易搵，搵到流尚坊就岩啦～餐廳環境簡單坐得舒服，就算當時坐滿人都唔會覺得逼。望望個餐牌，真係好多選擇，款款都好吸引！選擇困難症既我每款都好想點呀～巴馬火腿配哈蜜瓜係食主菜之前，叫左個前菜開下胃先。咸香既巴馬火腿，配上清甜哈蜜瓜，係絕配既配搭～美式香辣脆雞翼8隻呢個香辣脆雞翼，見到都嘩左一聲，因為啲雞翼好大隻，同埋未食都知佢好脆！雞翼熱辣辣，外皮脆脆又入味，配上少少辣味，更加香口，入面既雞肉都有少少咸味，整體都好好食～招牌黑松露菌麵包蟹蓋意大利飯黎到我最期待既主食，佢叫得做招牌，真係唔簡單！佢既賣相已經好吸睛，原隻大蟹蓋，包住黑松露菌既意大利飯，未食已經有好香既黑松露菌既味道，而且原來仲配左啲芝士係入面，呢個隻真伙好好食！！最得意既係，佢個蟹蓋下面鋪左啲糖，一啖飯再點少少糖，又出奇地夾～

尖沙咀一向多野食多野買，今次去到一間樓上cafe，叫co-dining，錯眼會睇錯係fine dining。晚上七時多已滿座，幸好不消一會就有位。環境都算舒適別緻，有廿十餘座。看了看餐牌，菜式唔算多，但最緊要貴精不貴多。美式香辣脆雞翼8隻$98一碟8隻大到你唔信，仲要隻隻都炸到香脆可口，油份唔多，就係脆口！雞肉嫩滑，肉厚多汁！兩個人係無咩可能消滅到8隻，所以最好多人share。明太子蟹肉意大利粉$138個超喜歡明太子的人，外出用餐時一見到個Menu有明太子的菜式一定兩眼發光。意粉軟硬適中，明天子鹹香誘人，加上鮮甜蟹肉，令人一食愛上！