Ocio (煙廠街) (已結業)

今日出旺角拍拖買野，同老公黎左呢間ocio晚餐😊整間餐廳以小清新手繪畫風裝修，好有格調，豬見到已經大愛，急不及待入去睇下，加上四周擺放左d小擺設，打造成一個藝文空間，用黎拍照當背景確實唔錯，絕對係一個影相打卡嘅好地方。而且燈光昏暗，營造出浪漫氣氛，令豬又諗返起同老公第一次拍拖嘅情景。卡片好靚呀😍粟米湯配提子包，個包幾軟熟，但個粟米湯偏淡，只食到粟米蓉。前菜係煙三文魚沙律，煙三文魚又香又嫩，唔會太鹹。個沙律菜好新鮮，加了黑醋汁 ，入口十分清新。芝麻汁火箭菜八爪魚，八爪魚好大塊，幾爽口。麵包鬆軟，外層烤到脆脆地，但又唔會刮傷個嘴。漢堡包要擘大個口連埋個涵一齊咬先最正，但有d食店烤到個包嘅外層硬得濟，試過整損個嘴，所以豬覺得呢個包真係加左分。而和牛漢堡入口充滿肉汁，一㩒落去啲肉汁就慢慢咇出黎。配埋新鮮嘅番茄生菜，非常之夾。仲有嗰塊大芝士加入蘑菇，陣陣嘅蘑菇香味，口感豐富起黎之餘，味道嘅層次亦有所提升，美味無窮。仲有炸薯條，豬鍾意食幼身薯條，感覺冇咁漏。呢個薯條較多鹽，但食落唔會話太鹹，亦唔需要點茄汁，都覺得好好食。而且炸到脆卜卜，但又保存到薯條內裏嘅軟度，好好食。超大份嘅豬肋骨，起碼有成8條

餐廳招牌門面比較細，招牌唔算顯眼。不過一見到有啲人等，附近又寧靜，所以都留意到，搵都唔算太難。入到去餐廳，面積唔大，雖然人就幾多坐得有啲逼，但環境ok，布置有用過心機。我同朋友兩個人分別點左兩個晚市套餐。1. 頭盤 (⭐⭐⭐⭐💢): 頭盤有三個選擇，油醋汁日式凍番茄，同埋煙三文魚沙律，另外有芝麻汁火箭菜八爪魚。我哋點左前面果兩款。凍番茄大大個，好頂癮，下面啲配菜好新鮮。至於三文魚都好香口，加埋有沙律汁嘅配搭，而且賣相都唔錯。2. 餐湯 (⭐⭐⭐⭐💢): 隨餐亦都附送餐湯。餐湯又隨送麵包。用麵包點湯，令到人一食難忘。湯有粟米同埋忌廉嘅味道，暖暖地，幫助開胃。3. 黑松露帶子忌廉闊條麵 (⭐⭐⭐⭐💢): 帶子嘅份量都唔細，下面有忌廉闊條麵，有黑松露嘅濃郁味道。4. 美式BBQ汁烤原條豬肋骨配薯條 (⭐⭐⭐⭐💢): 比較熱氣，不過薯條熱辣辣，好好食。豬肋切開大概八塊，就算大食嘅人都一定會覺得飽，算係抵食。5. 甜品 (⭐⭐⭐⭐💢): 甜品點左雲呢嗱單球雪糕（有其他味道選擇架），有雜果沙律配搭，為晚餐畫上完美嘅句號。朋友就點左奧斯甜品精選，賣相吸引，可以一試。店員嘅招呼好周到，好有禮貌咁推介菜

今個星期又有寒流，怕凍的我今日便約了好友放工後去旺角買多些保暖衣物，所以一早訂好枱先醫肚後入貨，爭取時間嘛！這家餐廳也不錯，地點方便，食完飯就可以出返大街。店內坐位也舒適，佈置別緻，侍應都很友善。晚餐選擇都很多，又想食意粉又想食豬肋骨，所以點了兩個套餐一齊食。蘑菇湯連餐包：蘑菇打成碎粒粒，啖啖湯都有蘑菇的味道，很香滑。油醋汁日式凍蕃茄：沒想過是原個蕃茄去皮而製作出來，由於天氣冰入口感覺份外冰，不過味道也不錯，蕃茄清淡加了油醋汁酸酸地，又另有一種滋味。煙三文魚沙律：雖然只係前菜，但都可以一人有一片煙三文魚，真好。黑松露帶子忌廉闊條麵：帶子煎得好香，入口尚有餘溫很鮮味；黑松露的香味雖然唔係人人愛，不過我又幾鐘意，配上忌廉的闊條麵，又香又滑。美式BBQ汁烤原條豬肋骨配薯條：豬肋骨加上BBQ汁烤得又香又甜，肉質有口感又入味，真係好惹味喎；薯條炸得剛剛好，入面的薯條蓉也食到。士多啤梨慕士蛋糕：成個甜品都擺設得好靚，很香士多啤梨味，係少甜好合我口味，而且慕士唔會太多，可以食多D軟軟的蛋糕，我好喜愛。熱檸檬薑茶：薑又唔會好辣又暖身，天氣凍食杯熱飲成個人都覺得好舒服。

旺角美食多，人人都知，這附近有不少有吸引力的餐廳，本身都特別愛西餐，於是相約朋友到此傾訴和享受一下美食，來到7時半，場近乎滿座了，幸好一早訂了枱，看看餐牌，都挺多選擇，由於我們都是食肉獸，但我較為不想吃雞，所以最後選了豬肋骨和羊架~一、粟米湯和餐包似純粟米粒打成蓉，纖維較多，帶點甜，似無加忌廉，我會建議加忌廉口感更滑，而且可以再鹹些少，餐包有紅色乾果粒似紅莓， 不錯!二、前菜: 芝麻汁火箭菜八爪魚 和 紫菜炸蘆筍見到有幾款前菜選擇，見到有紫菜炸蘆筍，未試過所以覺得很特別，用紫菜包著蘆筍炸的，紫菜很香脆，蘆筍爽口又軟身，配少量沙律菜，很新鮮! 朋友喜歡八爪魚，所以選了芝麻汁火箭菜八爪魚，我都試了一片，很爽口彈牙三、香烤紐西蘭寶雲酥羊架薯蓉配蒜蓉燒汁有4件羊架，羊架偏細件但脂肪算少，啖啖肉，全熟都不乾硬，很輕微羊羶味，還可醮蒜蓉燒汁，薯蓉甜又滑！四、美式BBQ汁烤原條豬肋骨配薯條見到隔離枱叫這個，很吸引，所以我們都想吃，非常大件的豬肋排，但肉質嫩滑，BBQ醬汁有少少辣，炸薯條很脆而且連薯皮炸的，蜜糖辣味醬汁令肋骨和薯條更加惹味！五、甜品 - 雪糕 或是日蛋糕我們都選蛋糕，朱古力味，不太甜，

約了友人在旺角逛街，順道食晚飯。他提議到這間餐廳晚餐，因他之前分別在大圍及旺角這間食店食過午餐及晚餐，覺得價錢合理，又有很多不同種類的食物及甜品，正合我們的心意。雖然店子不大，但內裡的裝飾都頗有心思，營造一個舒適的環境。由於太多選擇關係，我們決定選晚餐，有餐湯、頭盤、主菜、甜品及餐飲，這樣便可食到不同類型的食物 ^_^是日餐湯是蘑菇湯，味道濃郁，有粒粒碎蘑菇、仲有黑松露。友人點了這個，油醋汁日式凍蓄茄，酸酸甜甜，開胃，是頭盤好選擇。我則點了這個，紫菜炸蘆筍，很特別的頭盤，未食過這樣的蘆筍！用紫菜包住蘆筍炸，很爽脆，再配其他蔬菜，很特別的一道沙律。黑松露帶子忌廉意粉，只有一粒大大的帶子，醬汁不稀不稠，份量夠，很入味！嘩！非常大份的美式BBQ汁烤原條豬肋骨配薯條 雖然大大份，但肉質嫩滑，BBQ醬汁有少少辣，非常惹味！見到這道菜，就覺得物超所值，非常抵！由於食得很飽，所以沒點其他甜品，我們只選了「綠茶雪糕」及「紫薯雪糕」。綠茶雪糕，綠茶味濃郁！紫薯雪糕，紫薯不太突出，但不太甜，OK！

聽朋友講呢間餐廳野食不錯, 所以約左我條佬放工去橕抬腳, 一開始以為係黑布街附近,  點知搵黎搵去都搵唔到,  睇返Google map 先知原來0係廣華個邊, 搞到我地兜左成個圈, 傻仔左 大約7點半左右到餐廳, 已經全場爆滿, 等位期間睇下門口個menu, 晚餐有齊曬頭盤，主菜，飲品，甜品，睇落真係不錯喎！好快入得去了雖然座位與座位之間的距離非常近，有少許擁擠感, 但坐得挺舒適！我地叫左二個餐，分別係美式BBQ汁烤原條豬肋骨配薯條&黑松露帶子忌廉意粉餐湯係椰菜花湯, 食到好多椰菜花碎, 好喜歡呢種粒粒的口感,  而麵包亦相當鬆軟, 但個人喜歡將麵包沾湯一齊食～第一樣頭盤係芝麻汁火箭菜八爪魚，八爪魚切成薄片, 咬起來非常彈牙, 而火箭菜加了醋作調味，食落酸酸地，開胃又清新～第二樣頭盤係紫菜炸盧筍, 紫菜油炸後香脆可口, 但蘆筍有點老, 未算爽脆～主菜黎喇！原條豬肋骨烤得好入味，外層帶有微焦香，肉質咬落結實，完全無痴牙，沾上酸酸辣辣的醬汁更加惹味，粗薯條炸到脆口，一點都不油膩，好快已經俾我地食清光！不知點解我經常去西餐廳都會叫黑松露帶子忌廉意粉但第一次食到係用扁意粉, 更加有嚼口；帶子